વેરાવળઃ શ્રી સોમનાથ મંદિર પ્રતિ માસની કૃષ્‍ણ ત્રયોદશી પર ઉજવાતી માસિક શિવરાત્રી એક અનેરૂ આકર્ષણ છે. રાત્રીના સમયે સોમનાથ ખાતે પ્રણાલિકા અનુસાર રાત્રિના પારંપરિક જયોત પૂજન કરવામાં આવ્‍યું હતું. જયોત પૂજનમાં સોમનાથ ટ્રસ્‍ટના સચિવ યોગેન્‍દ્રભાઇ દેસાઇ, જનરલ મેનેજર વિજયસિંહ ચાવડા, સહિત મહાનુભાવો તેમજ મોટી માત્રામાં ભાવિકો જોડાયા હતા. આ પાવન પ્રસંગે શ્રી સોમનાથ સંસ્‍કૃત પાઠશાળાના ઋષિકુમારો દ્વારા મંદિરના પુજારીશ્રી તેમજ તીર્થ પુરોહિતો સાથે મંત્રોચ્‍ચારથી સમગ્ર મંદિર પરિસર ગુંજી ઉઠયું હતું. પૂજનના અંતે સચિવશ્રી દ્વારા શ્રી સોમનાથ મહાદેવને મહાપુજા માટે પૂજા સામગ્રી અર્પણ કરાઇ હતી. (તસ્‍વીર-અહેવાલઃ દિપક કક્કડ-વેરાવળ)