તસ્‍વીરમાં સ્‍ટંટ કરતા યુવાનનો વાયરલ થયેલ વિડીયોના દ્રશ્‍યો નજરે પડે છે. (તસ્‍વીરઃ લીતેશ ચંદારાણા-વાંકાનેર)

(લીતેશ ચંદારાણા દ્વારા) વાંકાનેર, તા., ૬: ર૭ નેશનલ હાઇવે પર જોખમી રીતે બાઇક પર સ્‍ટંટ કરતો એક શખ્‍સનો વિડીયો વાયરલ થયા બાદ ડીવાયએસપી એસ.એચ.સારડાની સુચનાથી વાંકાનેર સીટી પીઆઇ એચ.વી.ઘેલા અને પોલીસ ટીમ આ શખ્‍સને પકડી તેના સીનસપાટા વિંખી નાખ્‍યા હતા.

વાંકાનેર સીટી પોલીસ  મથકની હદમાં બાઇક પર સ્‍ટંટ કરતો આ વિડીયો વાયરલ થયો હતો. તેમાં બાઇકના નંબર પરથી સ્‍ટંટ કરનાર તીથવા ગામનો ઇરફાન મકબુલશાહ શાહમદાર (ઉ.વ.ર૧)ને પકડી પાડીને તેમના પર કાયદેસરની કાર્યવાહી કરીને કાયદાનું ભાન કરાવ્‍યું હતું.

આ કામગીરીમાં પીઆઇ એચ.વી.ઘેલા, હેડ કોન્‍સ્‍ટેબલ મુકેશભાઇ ચાવડા, પો.કોન્‍સ્‍ટેબલ જનકભાઇ ચાવડા, દર્શીતભાઇ વ્‍યાસ વી. સર્વેલન્‍સનો સ્‍ટાફ જોડાયો હતો.