(પ્રવિણ વ્‍યાસ દ્વારા) મોરબી,તા. ૧૬: મોરબીના જાંબુડીયા પાસે ગત રાત્રે અકસ્‍માત બાદ બે ટ્રકમાં આગ લાગી હતી. આ ઘટનાની જાણ થતાં ફાયર બ્રિગેડની ટીમ બે ફાયર ફાયતર સાથે ઘટના સ્‍થળે પહોંચ્‍યો હતો આ અંગે ફાયરના દેવેન્‍દ્રસિંહ જાડેજાએ જણાવ્‍યું હતું કે આગ એટલી વિકરાળ હતી કે આગને કાબુમાં લેતા મોડી રાત થઈ હતી.

આ અકસ્‍માતમાં એક ટ્રક માં કોલસો હોવાને કારણે આગે વિકરાળ સ્‍વરૂપ ધારણ કર્યું હતું. જેમાં ટ્રકમાં સવાર દેવજીભાઈ બચુભાઈ સીસદાણા (ઉમર ૪૯) રહેવાસી - વવાણીયા અસગમાં બળીને ભડથું થઈ જતા તેનું ઘટના સ્‍થળે જ મોત થઇ ગયું હતું. આથી ફાયર વિભાગે ડેડ બોડી ટ્રકમાંથી બહાર કાઢી પીએમ અર્થે સિવિલ હોસ્‍પિટલ ખસેડેલ.