(યાસીન બ્લોચ દ્વારા) વિસાવદર : વિસાવદરમાં વધુ પાંચ ઈંચ વરસાદ ખાબકયો છે. આજે સવારે ૭થી ૯ દરમિયાન માત્ર ૨ કલાકમાં ૨ ઈંચ વરસાદ પડયો છે. મોસમનો કુલ વરસાદ રેકોર્ડબ્રેક ૭૫ ઈંચ આસપાસ નોંધાઈ ચૂકયો છે. સાર્વત્રિક પાણી..પાણી છે. વિસાવદર શહેર-ગ્રામ્ય અને ગીર વિસ્તારમાં સાર્વત્રિક વરસાદના વાવડ છે. હજુયે સતત વરસાદ ચાલુ છે.

પ્રાપ્ત વિગતો અનુસાર વિસાવદરમાં તા.૨૬ સોમવાર સવારે ૬થી તા.૨૭ મંગળવાર સવારે ૬ સુધીમાં ૮૬ મી.મી.વરસાદ નોંધાયો છે. જ્યારે આજે તા.૨૭ મંગળવારના રોજ સવારે ૭થી ૯ માત્ર બે કલાક દરમિયાન ૪૧ મી.મી.પાણી પડી ગયુ છે. મોસમનો કુલ વરસાદ ૧૮૬૯ મી.મી.નોંધાયો છે..!!

છેલ્લે મળતા અહેવાલ મુજબ વિસાવદરમાં આજે સવારે ૯થી ૧૦ દરમિયાન ૧૪ મી.મી.તથા ૧૦થી ૧૧ દરમિયાન ૬ મી.મી.વરસાદ નોંધાયો છે. હજુયે અવિરત વરસાદ ચાલુ છે.