<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Saturday, 7th September 2024

કાલાવડના સપડા પાસે ઓટો રીક્ષા ચાલકે રાહદારીઓને હડફેટે લીધા

જસદણ તાલુકાનાં ગોખલાણા ગામે રીપેરીંગ બાદ પ્રથમ ચોમાસામાં જ તળાવ લીકેજ થયું

(ધર્મેશ કલ્‍યાણી દ્વારા) જસદણ, તા. ૭: ગોખલાણા ગામે ગામડા કક્ષાનું તળાવ અંદાજે ૪૫ થી ૫૦ વર્ષ પહેલા બન્‍યું હતું. આ તળાવનું રીપેરીંગ ચાર મહિના પૂર્વે ઉનાળામાં કરવામાં આવ્‍યું હતું. રૂપિયા ૫૮ લાખના ખર્ચે જૂન ૨૦૨૪ માં આ તળાવનું રીપેરીંગ કામ કરવામાં આવ્‍યું હતું. પરંતુ રીપેરીંગ કામમાં  થયેલી  નબળી કામગીરીને કારણે રીપેરીંગ બાદ પ્રથમ ચોમાસામાં જ તળાવ લીકેજ થયું છે. તળાવના પાળાની નીચેનાં ભાગમાંથી મોટા પ્રમાણમાં પાણી લીક થઈને નીકળી જાય છે. આ તળાવમાં અંદાજે ૨૫  ફૂટ જેટલું પાણી ભરેલું છે અને જન્‍માષ્ટમીના દિવસથી જ લીકેજ થઈ રહ્યું છે. રાજકોટ જીલ્લા ભાજપ બક્ષીપંચ મોરચાના મંત્રી અને  ગોખલાણાના પૂર્વ સરપંચ ગટુભાઈ ગીડાએ જ્‍યારે જુન માસમાં રીપેરીંગ કામગીરી શરૂ હતી ત્‍યારે જ આ તળાવના રીપેરીંગની કામગીરી નબળી થતી હોવાની સિંચાઈ વિભાગના નાયબ કાર્યપાલક ઇજનેર, રાજકોટ કલેકટર, મુખ્‍યમંત્રી, જિલ્લા પંચાયત, પાણી પુરવઠા મંત્રી, મુખ્‍ય સચિવ સહિતના લેખિત રજૂઆત કરી હતી પરંતુ આ રજૂઆત ધ્‍યાને નહીં લેતા અને નબળી કામગીરી થતાં અત્‍યારે તળાવ લીકેજ થઈ રહ્યું છે. હવે જો  આ જ રીતે લીકેજ ચાલુ રહેશે તો આગામી એક મહિનામાં તળાવ સંપૂર્ણ ખાલી થઈ જાય તેમ છે. તળાવનું લીકેજ તાત્‍કાલિક અટકાવીને ખેડૂતોના હિતમાં યોગ્‍ય કાર્યવાહી કરવા ગટુભાઈ ગીડાએ માંગણી કરી છે.(

(12:01 PM IST)