રાજકોટ તા. ૨૪: સાયલામાં રહેતાં વલ્લભભાઇ બાબુભાઇ નાગાણી (ઉ.વ.૪૦) નામના યુવાને વિક્રમભાઇ રામસિંહભાઇ ડોડીયાની વાડીએ હતાં ત્‍યારે ઝેરી દવા પી લેતાં સાયલા સારવાર અપાવી ગંભીર હાલતમાં રાજકોટ સિવિલ હોસ્‍પિટલમાં ખસેડાયા છે.વલ્લભભાઇ બે ભાઇ અને એક બહેનમાં મોટા છે. સંતાનમાં ત્રણ પુત્રી અને એક પુત્ર છે. તે હાલમાં વિક્રમભાઇની વાડી ભાગમાં રાખીને વાવે છે. પરિવારજનોએ કહ્યું હતું કે વલ્લભભાઇને ડાયાબીટીસ, કીડની, લિવર સહિતની બિમારીઓ કંટાળી જતાં આ પગલુ ભરી લીધું હતું. હાલ તે સારવાર હેઠળ છે. હોસ્‍પિટલ ચોકીના રામશીભાઇ વરૂ, કેતનભાઇ નિકોલા અને ભાવેશભાઇ મકવાણાએ સાયલા પોલીસને જાણ કરી હતી.