વઢવાણ, તા. ર૮ :  જિલ્લાના ચૂડા તાલુકામાં સૌથી વધુ ૧૩૩ મિમી એટલે કે, ૫ ઈંચથી વધુ વરસાદ થયો છે. જયારે સાયલામાં ૪ ઈંચથી વધુ, લીંબડીમાં ૩ ઈંચથી વધુ અને સુરેન્‍દ્રનગર-ચોટીલામાં ૩ ઈંચ આસપાસ વરસાદ થયો છે. જિલ્લામાં સૌથી ઓછો વરસાદ ધ્રાંગધ્રા તાલુકામાં ૧૮ મિમી એટલે કે, અડધા ઈંચથી વધુ થયો છે. સતત ૨ દિવસના વરસાદથી જિલ્લામાં ૩ ડેમ ઓવરફલો થયા છે. જેમા ચુડાનો વાંસલ ડેમની સપાટી પરથી ૦.૦૩ મીટર ઉપર પાણી વહી રહ્યુ છે. જયારે મૂળીના નાયકા ડેમ અને સાયલાના નીંભણી ડેમના ૧ ગેટ ખોલવામાં આવ્‍યા છે. સુરેન્‍દ્રનગર અને વઢવાણ શહેરમાં ગુરૂવારે રાતના સમયે ભારે વરસાદથી સવારના સમયે રસ્‍તાઓ પર ચીક્કાર પાણી ભરાયા હતા.