(પ્રવિણ વ્‍યાસ દ્વારા) મોરબી,તા. ૧૧: મોરબીમાં બોનીપાર્કની બાજુમાં રહેતાં ધનજીભાઈ ડી. શેરસીયાએ પોતાના મકાન પર સોલાર પેનલ નખાવવા માટે જામનગરની ઇન્‍ટીફાઇ સોલાર કંપનીને ચેક દ્વારા રૂા ૧,૪૮, ૨૮૭/- રૂપિયા ભરેલ અને ૩૦ દિવસમાં સોલાર પેનલ ફીટ થઇ જશે તેવી બાંહેધરી કંપનીએ આપેલ. પરંતુ સમય મર્યાદામાં સોલાર પેનલ ફીટ ન કરી તેમજ રૂપિયા પરત આપેલ નહીં. તેથી ધનજીભાઈએ મોરબી શહેર/ જિલ્લા ગ્રાહક સુરક્ષા મંડળના પ્રમુખ લાલજી મહેતા મારફત ગ્રાહક અદાલતમાં કેસ દાખલ કરેલ હતો.

ગ્રાહક અદાલતે ધનજીભાઈને રૂા. ૧,૪૮,૨૮૭ અને રૂા. ૧૦,૦૦૦ અન્‍ય ખર્ચના ફુલ ખર્ચ રૂા. ૧,૫૮,૨૮૭ ૯ ટકાના વ્‍યાજ સાથે તા.૨૪/૫/૨૦૨૪ થી ચુકવવાનો હુકમ કરેલ છે.