જૂનાગઢ : આજથી સાસણ ગીર નેશનલ પાર્કમાં સિંહ દર્શનની શરૂઆત થઈ ગઈ છે. દર વર્ષે 15 જૂનથી 15 ઓકટોબર સુધીનો 4 મહિનાના સમયગાળા માટે સિંહોનું વેકેશન હોય છે. આ સમય દરમિયાન ગીર અભ્યારણ્ય પ્રવાસીઓ માટે બંધ હોય છે. ત્યારે આજથી સિંહોનું વેકેશન પૂર્ણ થતાં જ સાસણ ગીર નેશનલ પાર્ક પ્રવાસીઓ માટે ખુલ્લું કરાયું છે. ત્યારે આ આર્ટિકલમાં મેળવી લો સાસણ ગીર નેશનલ પાર્કનો સમય, ટિકિટની કિંમત, એન્ટ્રી ફી અને ઓનલાઈન બુકિંગ સહિતની તમામ જાણકારી.

ગીર નેશનલ પાર્ક સફારી સમય -

• સવારે 06:00 થી 09:00
• સવારે 09:00 થી બપોરે 12:00 વાગ્યા સુધી
• બપોરે 03:00 થી સાંજના 06:00 વાગ્યા સુધી
• ગીર નેશનલ પાર્ક સફારી બુકિંગ એન્ટ્રી ફી -

• 4 સીટર જીપ (ભારતીય) - રૂપિયા 5500 / જીપ (એક જીપમાં મહત્તમ 4 એડલ્ટ અને 1 બાળકની મંજૂરી છે)
• 6 સીટર જીપ (ભારતીય) - રૂપિયા 6500 / જીપ (એક જીપમાં મહત્તમ 6 એડલ્ટ અને 1 બાળકની મંજૂરી છે)
• 8 સીટર જીપ (ભારતીય) - રૂપિયા 8000 / જીપ (એક જીપમાં મહત્તમ 8 એડલ્ટ અને 1 બાળકની મંજૂરી છે)
• આ રીતે કરો ઓનલાઈન બુકિંગ

• સૌ પ્રથમ https://sasangirnationalpark.in/ વેબસાઇટ પર જાઓ.
• હવે તારીખ પસંદ કરો. (પ્રવાસના 3 મહિના પહેલા જંગલ સફારી બુક કરવાની સલાહ આપવામાં આવે છે)
• ટાઈમ સ્લોટ પસંદ કરો.
• એડલ્ટ અને બાળકોની સંખ્યા પસંદ કરો. (એક જીપમાં માત્ર 6 એડલ્ટ અને 1 બાળકને જ મંજૂરી છે)
• એ વ્યક્તિનું નામ એન્ટર કરો, જે સફારી બુક કરી રહ્યો છે.
• સાચો નંબર અને ઈમેલ આઈડી એન્ટર કરો.
• પછી એક પેજ ખુલશે, તે પેજ પર સંપૂર્ણ સરનામા સાથે તમે જે રાજ્યમાંથી આવી રહ્યા છો તે એન્ટર કરો. (નોંધ: સરનામું યોગ્ય રીતે ઉલ્લેખિત હોવું જોઈએ, તે તમે પ્રદાન કરી રહ્યાં છો તે ઓળખ સાથે મેળ ખાતું હોવું જોઈએ).
• હવે જીપમાં સફારી કરનાપમુસાફરોની વિગતો દાખલ કરો: જેમ કે આખું નામ, ઉંમર, જેન્ડર, રાષ્ટ્રીયતા, રાજ્ય, આઈડી પ્રૂફ અને આઈડી નંબર (ઓળખના પુરાવાની સંપૂર્ણ અને સાચી વિગતો ભરો, જો ખોટી હશે., તો બુકિંગ મંજૂર કરવામાં આવશે નહીં)
• જો તમારી જીપ સફારી કેટેગરી A માં બદલાય તો તમારે વધારાની ફી ચૂકવવી પડશે.
• અંતે ઉલ્લેખિત રકમની ચૂકવણી કરો.