રાજકોટ તા. ૧૯: પોરબંદરમાં ખોજાખાના રોડ પર ત્રણેક દિવસ પહેલા અજાણ્‍યા આશરે ૪૭ વર્ષના આધેડ અર્ધબેભાન પડયા હોઇ પોરબંદર હોસ્‍પિટલમાં ખસેડાયા હતાં. જ્‍યાં તેણે પોતાનું નામ મનિષભાઇ હરિભાઇ વાઘેલા હોવાનું કહ્યું હતું. તેણે એસિડ પી લીધાનું તબિબી તપાસમાં જણાતાં વધુ સારવાર માટે રાજકોટ ખસેડાયા હતાં. રાજકોટમાં ગત રાતે તેનું મોત થતાં હોસ્‍પિટલ ચોકીના રામશીભાઇ વરૂ, ધર્મેન્‍દ્રભાઇ હુદડે પોરબંદર કિર્તીમંદિર પોલીસને જાણ કરી હતી. મૃતકના વાલીવારસને શોધવા પોલીસે તપાસ શરૂ કરી છે.