પોરબંદર :તહેવારના ટાણે રાજ્યમાં અકસ્માતના બનાવોમાં વધારો થયો હતો. જેમાં પોરબંદરના રાતીય નેસ નજીક અકસ્માત સર્જાયો હતો. જેમાં રાણાબોરડી ગામેથી બળેજ ગામે દર્શન કરવા જતાં 8 લોકોને અકસ્માત નડ્યો હતો.

અકસ્માતની સ્થિતી એટલી ગંભીર હતી કે ઘટનામાં એક વૃદ્ધનું મોત થયું હતું. ઉપરાંત 5 લોકોને ઇજા થતાં 108 મારફત પોરબંદરની સરકારી ભાવસિંહજી હોસ્પિટલ ખાતે ખસેડવામાં આવ્યા હતા. અકસ્માત કયા કારણોસર થયો તે જાણી શકાયું નથી. પરંતુ આ ઘટનામાં ગાડી રસ્તાની નીચ ઉતરી ગઇ હતી.

ઘટનામાં 61 વર્ષીય પોલાભાઈ કોડીયાતર નામના વૃદ્ધનું મોત નિપજતા પરિવારમાં શોકમાં ગરકાવ થયો હતો. નવા વર્ષના દિવસે રાણાબોરડીથી બળેજ દર્શન કરવા જતા વેળાએ જ સમગ્ર ઘટના સર્જાઇ હતી.