ભાવનગર નિલમબાગ પોલીસ સ્ટેશનના હેડ કોન્સ્ટેબલ વિરભદ્રસિંહ પદમસિંહ જેતાવત 50 હજારની લાંચ લેતા ઝડપાયો છે. લાંચની રકમની અન્ય આરોપી વચેટીયો જિતેન્દ્ર અરવિંદભાઇ દવે (   રહે.વડવા ચોરા ,ભાવનગર ) મારફત સતત ઉઘરાણી કરતા ફરિયાદીએ કંટાળી એસીબીનો સંપર્ક કરતા એસીબીએ છટકું ગોઠવી કોન્ટેબલને લાંચ લેતા ઝડપી પાડ્યો હતો

આ કેસની વિગત મુજબ ફરિયાદી વિરૂધ્ધ ભાવનગર નિલમબાગ પોલીસ સ્ટેશનમાં તેમના મોટા બહેને અરજીકરી હતી , તે અરજી અન્વયે ભાવનગર ના નિલમબાગ પોલીસ સ્ટેશનના હેડ કોન્સ્ટેબલ વિરભદ્રસિંહ પદમસિંહ જેતાવત ફરીયાદી ને જવાબ લખાવવા માટે બોલાવતા હતા ,તે દરમ્યાન ફરીયાદી ને તેમના બહેન સાથે સમાધાન થઇ ગયેલ હતું , તેમ છતાં આરોપી જેતાવત ફરીયાદી ને ગુનો દાખલ કરવા ની ધમકી આપી પોલીસ સ્ટેશને તાત્કાલીક બોલાવતા હતા , અને કોઇ હેરાનગતી નહી કરવાનાં બદલામાં ફરિયાદી પાસે થી રૂ.૭૦,૦૦૦/- વ્યવહાર પેટે લેવાનું નક્કી થયેલ હતું .

તે પૈકી રૂ.૨૦,૦૦૦/- ફરીયાદી એ પોતાના ભાઇ મારફતે “ ગુગલ પે “ થી આરોપી જેતાવતને આપી દીધેલ હતા , અને બાકી નાં રૂ.૫૦,૦૦૦/- માટે સામ્નય પ્રજાજન જીતેન્દ્ર અરવિંદભાઈ દવે સતત ઉઘરાણી કરતાં હતા , જેથી નાછુટકે ફરીયાદી એ આજ રોજ આપી દેવાનો વાયદો કરેલ હતો .

પરંતુ ફરીયાદી લાંચનાં નાણાં આપવા માંગતા ના હોઇ એસીબી નો સંપર્ક કરી ફરીયાદ આપતા , આજરોજ લાંચનાં છટકાનું આયોજન કરવામાં આવેલ, આ લાંચનાં છટકા દરમ્યાન આરોપી વિરભદ્રસિંહ જેતાવત ફરીયાદી સાથે હેતુલક્ષી વાતચીત કરી લાંચ ની માંગણી કરી , સ્વીકારી રંગેહાથ પકડાઇ ગયા હતા.

  આ કામમાં ટ્રેપીંગ ઓફીસર એસ.એન.બારોટ (પો.ઇન્સ. એ.સી.બી.ફિલ્ડ ૩ ( ઇન્ટે.) અમદાવાદ.જયારે સુપરવિઝન ઓફીસર તરીકે એ. વી. પટેલ મદદનીશ નિયામક,
એ.સી.બી. ફિલ્ડ ૩ ( ઇન્ટે.), અમદાવાદ.રહ્યા હતા