ખરેડા ગામ નજીક હીટ એન્ડ રનનો બનાવ પ્રકાશમાં આવ્યો છે જેમાં રોડ ક્રોસ કરતા યુવાનને હડફેટે લઈને મોત નીપજાવી ટ્રક ચાલક ફરાર થયો હતો જે બનાવ મામલે પોલીસ મથકમાં ફરિયાદ નોંધાવી છે
કોટડાસાંગાણી તાલુકાના ખરેડા ગામના રહેવાસી હેતલબેન મહેશભાઈ ખુમાણ નામની મહિલાએ ટ્રક જીજે ૦૩ એટી ૪૦૭૩ ના ચાલક વિરુદ્ધ ફરિયાદ નોંધાવી છે જેમાં જણાવ્યું છે કે ફરિયાદીના પતિ મહેશભાઈ બાબુભાઈ ખુમાણ બાથરૂમ જવા ખરેડા ગામ પાસે પગપાળા રોડ ક્રોસ કરતા હતા ત્યારે ટ્રક ચાલકે ઠોકર મારી ગંભીર ઈજા પહોંચાડી મોત નીપજાવ્યું હતું અને અકસ્માત સર્જી ટ્રક લઈને નાસી ગયો હતો કોટડાસાંગાણી પોલીસે ફરિયાદ નોંધી તપાસ હાથ ધરી છે