(મહમદ રાઠોડ દ્વારા) વાંકાનેર તા.૮: ઉતરના ઠંડાગાર કાતિલ ઠંડીના પવનો હાલ વાઇ રહ્યા હોઇ, ન્‍યુનતમ તાપમાનનો પારો નીચે ગગડી જઇ વર્તમાન શિયાળાની વિતેલી રાત્રિઓની સોૈથી ઠંડીગાર રાત્રિ અનુભવાઇ હતી. ત્‍યારે આ શિત લહેરનું આયુષ્‍ય લાંબુ નથી. એક કે બે દિ'માં આ અચાનક વધેલી ઠંડી ફરી અચાનક તાપમાન ઉંચે આવશે કારણ કે નવા વેસ્‍ટર્ન ડિસ્‍ટર્બન્‍સનું આગમન આ પૂર્વે ૧૩-૧૪ તારીખ આસપાસ  થશે. તેવી ધારણાઓ થઇ રહી હતી. પણ હવે એથી વહેલી ૧૦મીએ આ ડબલ્‍યુડીના આગમનથી ઉતરના પવનો ગુજરાત તરફ વહેતા બંધ થયે તાપમાન વધી, ઠંડીમાં ઘટાડો જોવા મળશે. વળી આ ડબલ્‍યુ ડી ના આગમનથી ૧૦ થી ૧૪ (મકરસંક્રાતિ) સુધી રાજસ્‍થાનના અમુક ભાગો સહિત દિલ્‍હી- પંજાબ- હરીયાણા વગેરે રાજયોમાં કમોસમી વરસાદી માહોલ છવાશે. તેમ આઇએમડી ફોરકાસ્‍ટ મોડેલ મેપમાં દર્શાવે છે. સ્‍કાયમેટના વાઇસ પ્રેસિડેન્‍ટ મહેશ પલાવત અનુસાર ગુજરાતમાં કમોસમી વરસાદની શકયતા નહીવત રહેશે. આ વર્તારાઓથી એ સ્‍પષ્‍ટ થાય છે કે, મકરસંક્રાતિ સમયે ઠંડીનો નવો જાજરમાન રાઉન્‍ડ અસ્‍તિત્‍વમાં હશે ખરો