(ભુજ) તા.ર૪: કચ્‍છના આદિપુર પોલીસ સ્‍ટેશને નોંધાયેલી દુષ્‍કર્મની ફરિયાદ આજના યુવા વર્ગ માટે લાલબત્તી સમાન છે. ફરિયાદીએ પોતાની બેનએ તેના મંગેતર યુવાન સાથેની સગાઈ તોડ્‍યા બાદ એ મંગેતર યુવાને ફરિયાદીની બેન સાથે બળજબરીપૂર્વક દુષ્‍કર્મ આચર્યાની પોલીસ ને રાવ આપી છે.

 આરોપી દિવ્‍યરાજસિંહ રણજીતસિંહ જાડેજા (હટડી, ભદ્રેશ્વર, મુન્‍દ્રા) સામે કરાયેલી ફરિયાદમાં આ યુવાન સાથે ફરિયાદીની બેનની સગાઈ થઈ હોવાનું જણાવી બાદમાં આરોપી યુવાનના અન્‍ય યુવતીઓ સાથે લફરા હોવાની જાણ થતા જ તેની બેન દ્વારા સગાઈ તોડી નખાઈ હતી. પરંતુ એ બાદ આરોપી યુવાને યુવતીના ઘેર ઘસી આવી એકલતાનો લાભ લઈ તેના અંગત પળોના ફોટા, વીડિયો વાયરલ કરવાની ધમકી આપી બળજબરીથી દુષ્‍કર્મ આચર્યું હતું. આમ વારંવાર ધાકધમકી સાથે આ રીતના દુષ્‍કળત્‍ય કરવાની કોશિશથી કંટાળી પોલીસ ફરિયાદ કરાઈ છે