ગીર સોમનાથ, તા.,૨૫ : ગીર સોમનાથ જિલ્લાના અહેમદપુર માંડવી ખાતે ત્રિદિવસીય બીચ ફેસ્‍ટિવલનો રંગારંગ શુભારંભ થયો હતો. જેના પ્રથમ દિવસે બોલિવૂડના જાણીતા સિંગર અનુપ શંકરે પોતાના કર્ણપ્રિય સૂરો દ્વારા ઉપસ્‍થિત જનતાને સંગીતમય બનાવી દીધી હતી.  ઢળતી સાંજે એક તરફ દરિયો પોતાનું લયબદ્ધ સંગીત પ્રસ્‍તુત કરી રહ્યો હતો. તો બીજી તરફ તું મિલે દિલ ખીલે..., રાંજન દા યાર બુલિયાં..., રૂપ તેરા મસ્‍તાના સહિતની ધૂનો પર યુવાધન ઝૂમી ઉઠ્‍યું હતું.

અનુપ શંકરની જિયા જલે જાં જલે, એ ઝિંદગી ગલે લગા લે, તું મિલે દિલ ખીલે...,રાંજન દા યાર બુલિયાં...તેરે બીના ઝિંદગી સે કોઈ શિકવા નહી..સાથિયા, તુને કયાં કીયા, તેરે મેરે બીચ મે...સહિતની ફિલ્‍મી ધૂનોએ રંગ જમાવ્‍યો હતો.

અનુપ શંકરે એસ.પી.બાલાસુબ્રમણ્‍યન, કિશોર કુમાર સહિતના કલાકારોએ અન્‍ય ભાષામાં ગાયેલા ગીતોની હિંદી ભાષામાં કર્ણપ્રિય પ્રસ્‍તુતિ રજૂ કરી હતી.અનુપ શંકરે હિંદી અને તમિલ ગીતો સાથે ગુજરાતી ગીતો જેવાં કે, ‘ખારવો ખલાસી', ‘છોગાળા તારા....' જેવા ગુજરાતી ગીતો પર યુવાધન ગરબા અને ડાન્‍સ સાથે ઝૂમી ઉઠ્‍યું હતું. બોલીવુડ સિંગર અનુપ શંકરે જિલ્લા કલેક્‍ટર દિગ્‍વિજયસિંહ જાડેજા પાસે હળવા વાતાવરણમાં મલયાલમ ભાષામાં ગીત ગવડાવ્‍યું હતું. ઉપસ્‍થિત સૌએ આ પ્રસ્‍તુતિને તાળીઓથી વધાવી લીધી હતી. અનુપ શંકર સાથે કો-સિંગર રેશ્‍મા, વીનિશ, તનુજ, અતુલ પ્રભાકર , હરિકળષ્‍ણન સહિતની સમગ્ર ટીમે ધૂમ મચાવતા પોતાની કલાથી ઉપસ્‍થિત સર્વેને મંત્રમુગ્‍ધ કર્યા હતાં