રાજકોટ તા. ૧૭: વાંકાનેરના રાતીદેવડી ગામે રહેતાં વાલજીભાઇ કરસનભાઇ વિકાણી (ઉ.વ.૬૫) અને તેના પુત્ર તુલસી વાલજીભાઇ વિકાણી (ઉ.વ.૨૫) પર સાંજે ગામમાં જ રહેતાં પરબત, રસિક સહિતનાએ લોખંડના પાઇપથી હુમલો કરી આડેધડ ઘા ફટકારતાં બંનેને ઇજાઓ થતાં વાંકાનેર સારવાર અપાવી રાજકોટ સિવિલ હોસ્પિટલમાં ખસેડાયા છે.

વાલજીભાઇ અને તુલસી લાકડા કાપવાની મજૂરી કરે છે. સગાએ જણાવ્યું હતું કે બે દિવસ પહેલા પરબત અને રસિકના છોકરાઓ અને અમારા છોકરાઓ વચ્ચે રમતાં રમતાં માથાકુટ થઇ હતી. તે વખતે ઝઘડો થયો હોઇ તેનો ખાર રાખી વાલજીભાઇ અને પુત્ર તુલસી ઉપર હુમલો કરાયો હતો. રાજકોટ સિવિલ હોસ્પિટલ ચોકીના રામશીભાઇ વરૂ, તોૈફિકભાઇ જુણાચ, ભાવેશભાઇ મકવાણા, ધર્મેન્દ્રભાઇ હુદડે વાંકાનેર પોલીસને જાણ કરી હતી.