પ્રભાસપાટણઃ જિલ્લા કલેકટર દિગ્‍વિજયસિંહ જાડેજાએ ઢળતી સાંજે ત્રિવેણી સંગમ ઘાટ ખાતે ‘સંગમ આરતી' કરી હતી. નદીની મધ્‍યમાં તીર્થ પુરોહિતોની સુમધુર વૈદિક ઋચાઓના ઉચ્‍ચારણ અને ઋષિ-મહંતો સાથે આદ્યાત્‍મિક માહોલમાં આરતી સંપન્ન કરી હતી. જે રીતે ગંગા આરતી કરવામાં આવે છે, તે જ રીતે કલેક્‍ટરશ્રીએ હિરણ, કપિલા અને સરસ્‍વતી નદીનું જ્‍યાં પવિત્ર મિલન થાય છે, તેવા અરબી સમુદ્રના સંગમ સ્‍થળ પર વેદની ઋચાઓના ગાન સાથે આદ્યાત્‍મિક અને દિવ્‍ય માહોલમાં ‘સંગમ આરતી' કરી હતી. આ ‘સંગમ આરતી' દરમિયાન જિલ્લા પંચાયત પ્રમુખ શ્રી મંજુલાબહેન મુછાર, વેરાવળ-પાટણ નગરપાલિકાના પ્રમુખ પલ્લવીબહેન જાની, અગ્રણી મહેન્‍દ્રભાઈ પીઠિયા, જનપ્રતિનિધિઓ, અધિક નિવાસી કલેકટર રાજેશ આલ, જિલ્લા ગ્રામ વિકાસ એજન્‍સીના નિયામક યોગેશ જોશી, ખોડિયાર આશ્રમના  મહંત રાજહંસગીરીજી સહિત વહીવટી તંત્રના અધિકારીઓ-કર્મચારીઓ ઉપસ્‍થિત રહ્યાં હતાં.