(પ્રવિણ વ્‍યાસ દ્વારા) મોરબી, તા. ૮: મોરબી તાલુકાના મોડપર ગામની સીમમાં મંદિર આગળ જામનગર માળિયા હાઈવે ગોલાઈ પાસેથી પોલીસે એક ઈસમને ગેરકાયદે હાથ બનાવટના કટ્ટા સાથે ઝડપી લીધો હતો.

મોરબી તાલુકા પોલીસ ટીમ પેટ્રોલિંગમાં હોય દરમિયાન મોડપર ગામની સીમમાં મહાદેવ મંદિર આગળ જામનગર માળિયા હાઈવે ગોલાઈ પાસે એક ઇસમ હથિયાર સાથે શંકાસ્‍પદ હાલતમાં ઉભો હોવાની બાતમી મળી હતી જેથી ટીમે સ્‍થળ પર રેડ કરી આરોપી યુનીશ જુસબ સુમરા (ઉ.વ.૪૯) રહે સુમરા સોસાયટી, મોરબી વાળાને ઝડપી લઈને આરોપીના કબજામાંથી દેશી હાથ બનાવટનો કટ્ટો કીમત રૂ ૨૦૦૦ જપ્ત કરી આર્મ્‍સ એક્‍ટ મુજબ કાયદેસર કાર્યવાહી હાથ ધરી છે.