(હેમેન્‍દ્રકુમાર પારેખ દ્વારા) પોરબંદર તા.૨૬: આંબેડકરનગરમાં ગેરકાયદે મકાન દુર કરવા મહાનગરપાલિકા દ્વારા નોટીસ મળ્‍યા બાદ ટેન્‍સનમાં આવી ગયેલ હરીશભાઇ દેવાભાઇ શીંગરખિયા (ઉ.વ.૩૭)એ ઘેર ગળાફાંસો ખાઇને આપઘાત કરી લીધો હતો.

આપઘાત કરનાર હરીશભાઇના સગાભાઇ રવિભાઇએ જણાવ્‍યું હતું કે, હરિશભાઇને ગેરકાયદે મકાન અંગે મહાનગરપાલિકા અધિકારીઓ ઘેર રૂબરૂ સુચના આપી ગયેલ અને પાછળથી નોટીસ મોકલી હતી. ત્‍યારપછી હરિશભાઇએ ગળાફાંસો ખાઇ લીધો હતો. નોટીસ બાદ હરિશભાઇ ગુમસુમ રહેતા હતાં.

મહાનગરપાલિકાના બાંધકામ અધિકારી વિનોદભાઇ બથિયાએ કહયું કે ગેરકાયદે દબાણ કરનારાઓને લેખિત નોટીસો મોકલવામાં આવે છે પરંતુ આપઘાત કરનાર યુવાનને લેખિત નોટીસ મોકલી નહોતી