(નવીન જોષી દ્વારા) ઉના તા.૭: ઉના અને ગીરગઢડામાં બફારા બાદ ગઇ કાલે સાંજે આકાશમાં કડાકાં-ભડાકાં સાથે અર્ધાથી એક ઇંચ વરસાદ વરસી ગયો હતો ઉનામાં રહેણાક વિસ્‍તારના એક ખૂલ્લા પટ્ટ ઉપર વીજળી ત્રાટકી હતી. જેનાથી કોઇ જાનહાનિ થઇ નથી.

ઉના અને ગીરગઢડા સાથે આસપાસના ગ્રામ્‍ય વિસ્‍તારમાં સાંજે વરસાદી ઝાપટા વરસી ગયા હતા કમોસમી વરસાદથી કેરી તેમજ બાજરા સહિત ઉનાળુ પાકને નુકસાનની ભીતિ સેવાય રહી છે.