મંદિરમાં પોઠીયામાં તોડફોડ કરાઇ તે અને ભૈરવ દાદાની ઉખાડી નંખાયો મૂર્તિ નજરે પડે છે. (તસ્‍વીરઃ કેતન ઓઝા જેતપુર)

(કેતન ઓઝા દ્વારા) જેતપુર તા.૧૭: જેતપુરના દેરડી ધાર આવાસ યોજના પાસે આવેલ મહાદેવ મંદિરમાં કોઇએ તોડફોડ કરતા ભાવિકોમાં ઉગ્ર રોષ વ્‍યાપી ગયો છે. તોડફોટ કરનાર અજાણ્‍યા શખ્‍સ સામે પોલીસમાં ફરીયાદ થઇ છે. મળતી વિગતો મુજબ શહેરના દેરડી ધારા આવાસ યોજના પાસે આવેલ જય મંગળેશ્વર મહાદેવ મંદિરમાં સેવા પૂજા કરતા તરુણભાઈ કનૈયાને કોઈએ જાણ કરેલ કે મંદિરમાં કોઈ અજાણ્‍યા શખ્‍સોએ તોડફોડ કરેલ છે જેથી તરુણભાઈએ મંદિરે જઈ જોતા શંકર ભગવાનના પોઠિયાનું તેમજ ગૌમુખીનું મુખ તોડેલ હોય તેમજ કાળભૈરવ દાદાની પથ્‍થરની મૂર્તિ પણ ઉખાડી નાખેલ હોય લોકોની ધાર્મિક લાગણી દુભાઈ તેવું કળત્‍ય કરેલ હોય આ અંગે ઉદ્યોગ નગર પોલીસમાં ફરિયાદ નોંધાવતા પોલીસે અજાણ્‍યા શખ્‍સ વિરુદ્ધ ગુનો નોંધી તપાસ હાથ ધરી છે.