જામકંડોરણામાં એક કલાકમાં ધોધમાર દોઢ ઇંચ વરસાદ. (તસ્‍વીરઃ મનસુખ બાલધા)

(મનસુખભાઈ બાલધા દ્વારા) જામકંડોરણા, તા., ર૧:  જામકંડોરણામાં છેલ્લા બે દિવસથી અસહય ઉકળાટ અને બફારા બાદ ગઈકાલે સાંજના ૫-૩૦ વાગ્‍યે વિજળીના કડાકા ભડાકા અને પવન સાથે ધોધમાર વરસાદ શરૂ થયો હતો જે સાંજના ૬-૩૦ વાગ્‍યા સુધીમાં એક કલાકમાં ૩૭ મી.મી.(દોઢ ઈચ) વરસાદ પડી ગયો હતો આ વરસાદમાં બરફના ઝીણા ટુકડા એટલેકે કરા સાથે આ વરસાદ પડતો હતો આ કમોસમી વરસાદના કારણે મગ,તલ,અડદ જેવા ઉનાળુ પાકોમાં નુકશાન થવાથી ખેડૂતોની ચિંતામાં વધારો થયો છે તેમજ ઉનાળુ પાકોની મોસમ ચાલતી હોવાના કારણે અમુક ખેડુતોના પાક પલળી ગયા હતા.