પોરબંદર :  જૂનાગઢ રેન્જના પોલીસ મહાનિરીક્ષક નિલેશ જાજડિયા અને પોરબંદર પોલીસ અધિક્ષક ભગીરથસિંહ જાડેજા દ્વારા પોરબંદર જિલ્લામાં દારૂ અને જુગાર જેવી ગેરકાયદેસર પ્રવૃત્તિઓને નેસ્તનાબૂદ કરવા અને વધુમાં વધુ કેસો શોધી કાઢવા આપેલી સૂચનાના અનુસંધાનમાં, પોરબંદર લોકલ ક્રાઈમ બ્રાંચ (LCB) એ આજે રાણાવાવ પોલીસ સ્ટેશન વિસ્તારમાંથી જુગારનો એક ગણનાપાત્ર કેસ શોધી કાઢ્યો છે. LCB દ્વારા દરોડો પાડી 5 જુગારીઓને ઝડપી પાડવામાં આવ્યા છે અને ₹1,28,100 નો મુદ્દામાલ જપ્ત કરવામાં આવ્યો છે.
દરોડાની વિગતો:
LCB ના ઇન્ચાર્જ પોલીસ ઇન્સ્પેક્ટર આર.કે. કાંબરીયા અને LCB સ્ટાફના માણસો રાણાવાવ પોલીસ સ્ટેશન વિસ્તારમાં પેટ્રોલીંગ કરી રહ્યા હતા. તે દરમિયાન હેડ કોન્સ્ટેબલ હિમાંશુભાઈ મક્કા તથા પોલીસ કોન્સ્ટેબલ નટવરભાઈ ઓડેદરા અને પોલીસ કોન્સ્ટેબલ વિરેન્દ્રસિંહ પરમારને ચોક્કસ હકીકત મળી હતી. માહિતી મુજબ, પોરબંદર જી.આઈ.ડી.સી. રેસીડેન્ટમાં રહેતો કેતન પુંજાભાઈ ખુંટી, રાણા-કંડોરણા વાડોત્રા રોડ પર આવેલા રાણા કંડોરણા ગામની ગુંદાવાળી સીમમાં આવેલી પોતાની કબજાવાળી વાડીના મકાનમાં બહારથી માણસોને બોલાવી, પોતાના અંગત ફાયદા માટે નાલ ઉઘરાવી ગંજીપાના વડે 'રોનપોલીસ' નામનો હારજીતનો જુગાર રમાડી રહ્યો હતો.
આ હકીકતને આધારે, LCB ટીમે જગ્યાનું વેરીફિકેશન કરતા જુગાર ચાલુ હોવાનું જણાયું હતું. જેના પગલે, તાત્કાલિક દરોડો પાડવામાં આવ્યો હતો.
પકડાયેલ આરોપીઓ અને મુદ્દામાલ:
દરોડા દરમિયાન જુગાર રમતા કુલ 5 ઇસમોને ઝડપી પાડવામાં આવ્યા હતા. તેમની પાસેથી ગંજીપાના નંગ-52 તથા રોકડા ₹1,28,100/- અને એક પાથરણું મળી કુલ ₹1,28,100/- નો મુદ્દામાલ જપ્ત કરવામાં આવ્યો છે. આ સમગ્ર મામલે રાણાવાવ પોલીસ સ્ટેશનમાં ગુનો રજીસ્ટર કરવામાં આવ્યો છે.
પકડાયેલ આરોપીઓના નામ:
 * કેતન પુંજાભાઈ ખુંટી, ઉ.વ.34, રહે. જી.આઈ.ડી.સી. રેસીડેન્ટ, ગીતાનગરના ગેટની સામે, પોરબંદર. (જુગાર રમાડનાર)
 * લીલા ભાયાભાઈ પરમાર, ઉ.વ.38, રહે. જયુબેલી-ખાપટ રોડ, કૈલાશ બંગલા નજીક, સાત માળીયા પાસે, પોરબંદર.
 * ધીરુ ગીગાભાઈ ઓડેદરા, ઉ.વ.59, રહે. ફટાણા ગામની ખારસીયા સીમ વાડીએ, તા.જી. પોરબંદર.
 * તોગા લીલાભાઈ સુંડાવદરા, ઉ.વ.45, રહે. દેગામ ગામ, નાગાજણના પાટીયા પાસે, બાંધા સીમ વાડીએ, તા.જી. પોરબંદર.
 * પ્રકાશ ધનજીભાઈ રાઠોડ, ઉ.વ.39, રહે. ખાપટ, મેરેડીયન સિનેમાવાળા રસ્તે, તા.જી. પોરબંદર.
કામગીરી કરનાર અધિકારીઓ/કર્મચારીઓ:
આ સફળ કામગીરીમાં LCB ઇન્ચાર્જ પોલીસ ઇન્સ્પેક્ટર આર.કે. કાંબરીયા તથા ASI રાજેન્દ્રભાઈ જોષી, રણજીતસિંહ ભાઈ દયાતર, ગોવિંદભાઈ મકવાણા, મુકેશભાઈ માવદીયા તથા HC ઉપેન્દ્રસિંહ ભાઈ જાડેજા, હિમાંશુભાઈ મક્કા, કુલદીપસિંહ ભાઈ જાડેજા, લક્ષ્મણભાઈ ઓડેદરા તથા WHC નાથીબેન કુછડીયા તથા PC નટવરભાઈ ઓડેદરા, વિરેન્દ્રસિંહ ભાઈ પરમાર, અજયભાઈ ચૌહાણ તથા ડ્રા. HC ગોવિંદભાઈ માળીયા વગેરે જોડાયા હતા.