જામનગર : રાજકોટ રેન્જ પોલીસ મહાનિરીક્ષક અને જામનગર જિલ્લા પોલીસ અધિક્ષકની સૂચના અનુસાર, જિલ્લામાં દારૂ અને જુગારની પ્રવૃત્તિઓ પર કડક કાર્યવાહી કરવાના ભાગરૂપે સિક્કા પોલીસ સ્ટેશનની ટીમે ભારતીય બનાવટના ઇંગ્લિશ દારૂનો જથ્થો ઝડપી પાડ્યો છે. પોલીસે કુલ ₹૬૦,૮૦૦/- ના મુદ્દામાલ સાથે એક આરોપીને ઝડપી લીધો છે, જ્યારે અન્ય બે આરોપીઓને પકડવા માટે કાર્યવાહી ચાલી રહી છે.
સિક્કા પોલીસ સ્ટેશનના પોલીસ ઇન્સ્પેક્ટર જે.જે. ચાવડા અને ઇન્ચાર્જ પોલીસ ઇન્સ્પેક્ટર પી.ટી. જયસ્વાલના માર્ગદર્શન હેઠળ પોલીસ સ્ટાફના માણસો પેટ્રોલિંગમાં હતા. તે દરમિયાન, પોલીસ હેડ કોન્સ્ટેબલ જીતેન્દ્રસિંહ મહીપતસિંહ જાડેજા, પ્રતીપાલસિંહ નિતેન્દ્રસિંહ સોઢા, પોલીસ કોન્સ્ટેબલ ભુપેન્દ્રસિંહ મહિપતસિંહ જાડેજા અને કૃષ્ણપાલસિંહ કરણસિંહ જાડેજાને મળેલી ચોક્કસ બાતમીના આધારે કાર્યવાહી કરવામાં આવી હતી.
બાતમી મુજબ, સાપર ગામ તરફ જતા સાપર પાટીયા પાસે મચ્છુ હોટલની પાછળથી એક એક્સેસ મોટરસાયકલ (રજિ. નં. GJ -10-DM-2426) પર ભારતીય બનાવટનો ઇંગ્લિશ દારૂ લઈ જઈ રહેલા એક ઈસમને ઝડપી પાડવામાં આવ્યો હતો.
ઝડપાયેલ આરોપી:
(૧) યુવરાજસિંહ જાલમસિંહ જાડેજા (જાતે ગીરા, ઉંમર ૧૯, ધંધો-મજુરી, રહે. મોટીખાવડી, રામદેવપીરના મંદિર પાસે)
કબ્જે કરાયેલ મુદ્દામાલ:
 * ROYAL CHALENGER FINE RESERVE WHISKY ની બોટલ નંગ-૧૬, કિંમત ₹૨૦,૬૦૦/-
 * એક્સેસ મોટરસાયકલ (રજિ. નં. GJ -10-DM-2426), કિંમત ₹૩૦,૦૦૦/-
 * મોબાઈલ ફોન નંગ-૧, કિંમત ₹૧૦,૦૦૦/-
 * કુલ મુદ્દામાલની કિંમત: ₹૬૦,૮૦૦/-
પોલીસ કોન્સ્ટેબલ ભુપેન્દ્રસિંહ મહિપતસિંહ જાડેજાની ફરિયાદના આધારે પોલીસ હેડ કોન્સ્ટેબલ જીતેન્દ્રસિંહ મહીપતસિંહ જાડેજાએ આરોપી યુવરાજસિંહ જાડેજા વિરુદ્ધ પ્રોહીબીશન ધારા હેઠળ કાયદેસરની કાર્યવાહી કરી છે.
પકડવાના બાકી આરોપીઓ:
આ દારૂનો જથ્થો સપ્લાય કરનાર ભગીરથસિંહ ચુડાસમા (રહે. નાઘેડી) અને આ દારૂ વેચાણ કરવા માટે મંગાવનાર અન્ય આરોપીઓની શોધખોળ ચાલુ છે, અને તપાસમાં અન્ય નામો ખુલે તેવી શક્યતા છે.
આ કામગીરીમાં સિક્કા પોલીસ સ્ટેશનના પોલીસ ઇન્સ્પેક્ટર જે.જે. ચાવડા, ઇન્ચાર્જ પોલીસ ઇન્સ્પેક્ટર પી.ટી. જયસ્વાલ, હેડ કોન્સ્ટેબલ જીતેન્દ્રસિંહ મહીપતસિંહ જાડેજા, પ્રતીપાલસિંહ નિતેન્દ્રસિંહ સોઢા, પોલીસ કોન્સ્ટેબલ ભુપેન્દ્રસિંહ મહિપતસિંહ જાડેજા, કૃષ્ણપાલસિંહ કરણસિંહ જાડેજા અને કમલેશભાઈ ડાયાભાઇ કરથીયા સહિતના સ્ટાફના માણસો જોડાયા હતા.