મોરબીના ગ્રામ્ય વિસ્તારમાં યુવતી સાથે તેના સાવકા બાપે દુષ્કર્મ આચર્યું હતું જેથી યુવતીની માતાએ દીકરી સાથે દુષ્કર્મ કરનારા સાવકા બાપને છાતીના ભાગે પાટા મારીને તેની હત્યા કરી નાખી હતી જેથી પોલીસે મૃતક સાવકા બાપની સામે દુષ્કર્મનો ગુનો નોંધ્યો હતો હતો જયારે ભોગ બનેલ યુવતીની માતાની સામે હત્યાનો ગુનો નોંધીને આગળની કાર્યવાહી કરી હતી અને આરોપી મહિલાની ધરપકડ કરીને તેને કોર્ટમાં રજૂ કરીને જેલ હવાલે કરવામાં આવેલ છે.

મોરબી તાલુકાના ગ્રામ્ય વિસ્તારમાં રહેતા પરિવારની યુવતી સાથે તેના સાવકા બાપ દ્વારા દુષ્કર્મ કરવામાં આવ્યું હતું જેની જાણ તે યુવતીની માતાને થઈ ગયેલ હતી જેથી યુવતી સાથે દુષ્કર્મ કરનાર તેના સાવકા બાપને યુવતીની માતાએ છાતીના ભાગે પાટા મારીને તેની હત્યા કરી નાખી હતી. જેથી યુવતી સાથે દુષ્કર્મ કરનાર તેના મૃતક સાવકા બાપની સામે મોરબી તાલુકા પોલીસ સ્ટેશન ખાતે દુષ્કર્મનો ગુનો નોંધવામાં આવેલ હતો જો કે, ભોગ બનેલ યુવતીની માતાએ સાવકા બાપની હત્યા કરી હતી જેથી મૃતક આધેડના પરિવારજનની ફરિયાદ લઈને મહિલાની સામે હત્યાનો ગુનો નોંધવામાં આવેલ હતો અને હત્યાના આ ગુનામાં મોરબી તાલુકાનાં પીઆઈ એસ.કે. ચારેલ અને તેની ટીમે આરોપી મહિલાની ધરપકડ કરી હતી અને તેને મોરબીની કોર્ટમાં રજૂ કરીને હાલમાં જેલ હવાલે કરવામાં આવેલ છે. તેવી માહિતી પોલીસ પાસેથી જાણવા મળેલ છે.