(પરેશ પારેખ દ્વારા) પોરબંદર તા. ૩ :.. શિંગડાથી ગોરાણા રોડ પર અવર-જવર પ્રતિબંધ મુકવામાં આવ્‍યો છે. બ્રીજ જર્જરીત હોવાથી નવો બનાવવાની કામગીરી શરૂ કરવામાં આવી રહી છે.

પોરબંદર જિલ્લાના શિંગડા ટુ ગોરાણા રોડ પર ચે.૫/૭૦૦ વર્તુ નદી ઉપર ક્ષાર અકુંશ વિભાગ હસ્‍તકનો બ્રીજ આવેલ છે. જે બ્રીજ  જર્જરીત હાલત હોય જેથી હાલમાં કામચલાઉ બ્રીજ બંધ કરવામાં આવેલ છે. જેથી કોઇ દુર્ઘટના ન ઘટે તે માટે આ રસ્‍તા પર નવો બ્રીજ ન બની જાય ત્‍યાં સુધી આ બ્રીજ પરની અવર-જવર બંધ કરવા પોરબંદર જિલ્લાના જી.એ.એસ., અધિક જિલ્લા મેજિસ્‍ટ્રેટ શ્રી જે.બી.વદર દ્વારા જાહેરનામું બહાર પાડવામાં આવેલ છે.

આ જાહેરનામાં અનુસાર શિંગડા થી ગોરાણા રોડ પર ચે.૫/૭૦૦ વર્તુ નદી ઉપર આવેલ બ્રીજ નવો ન બની જાય ત્‍યાં સુધી વાહનોની અવર-જવર કરવા પર પ્રતિબંધ ફરમાવવામાં આવેલ છે. આ સમયે અન્‍ય વૈકલ્‍પિક રૂટ તરીકે શિંગડા થી ગોરાણા તરફ જવા માટે સોઢાણાના રસ્‍તાનો ઉપયોગ કરવાનો રહેશે.

ઉપરોક્‍ત જાહેરનામાનો ભંગ કરનાર વ્‍યકિત ગુજરાત પોલીસ અધિનિયમ-૧૯૫૧ ની કલમ-૧૩૧ હેઠળ સજાને પાત્ર ઠરશે.