(આલાપ ભરતભાઈ બારાઈ દ્વારા) ઓખા, તા. ૯: દ્વારકા શહેરમાં યોજાયેલા પ્રાકળતિક ખેતી સંમેલનમાં ગુજરાત રાજ્‍યના રાજ્‍યપાલ શ્રી આચાર્ય દેવવ્રતજી મુખ્‍ય અતિથિ તરીકે ઉપસ્‍થિત રહ્યા હતા. શ્રી આચાર્ય દેવવ્રતજી માત્ર રાજ્‍યપાલ જ નહીં, પરંતુ પ્રાકળતિક ખેતીના જગવિખ્‍યાત પ્રવક્‍તા અને પ્રેરણાસ્રેત છે. તેમણે ભારતમાં હજારો એકર જમીન પર રાસાયણિક મુક્‍ત ખેતીના પ્રયોગો સફળતાપૂર્વક અમલમાં મૂકયા છે.

તેમણે જણાવ્‍યું હતું કે આજના સમયમાં રાસાયણિક ખાતર અને ઝેરી દવાઓના ઉપયોગથી જમીનની ઊર્વરતા, માનવ આરોગ્‍ય અને પવિત્ર પર્યાવરણ પર ગંભીર અસર પડી રહી છે. તેમણે સમજાવ્‍યું કે પ્રાકળતિક ખેતી પદ્ધતિ ઓછી ખર્ચાળ હોવા ઉપરાંત જમીન અને આરોગ્‍ય બંને માટે લાભદાયી છે.

રાજ્‍યપાલશ્રીએ યુવાનોને કળષિ ક્ષેત્રે નવી નવી પહેલ અને સ્‍ટાર્ટઅપ શરૂ કરવા માટે પ્રોત્‍સાહિત કર્યા અને ગૌમાતા આધારિત ખેતીનું મહત્‍વ પણ સ્‍પષ્ટપણે રજૂ કર્યું. તેમણે ગૌમૂત્ર, ગોબર, દૂધ અને છાશના આયુર્વેદિક અને વૈજ્ઞાનિક લાભોને પણ વિસ્‍તળતપણે સમજાવ્‍યા.

આ પ્રસંગે ગૌસેવામાં અગ્રણી ભૂમિકા ભજવતા ગૌશાળા સંચાલકોનું પણ સન્‍માન કરવામાં આવ્‍યું હતું. પ્રાકળતિક ખેતી અને ગૌસેવાના સંગમરૂપ આ સંમેલનમાં સમગ્ર દેવભૂમિ દ્વારકા જિલ્લાના ખેડૂતો, યુવા આગેવાનો, કળષિ અધિકારીઓ અને નાગરિકોનો ઉમળકાભેર ઉમટેલો પ્રતિસાદ મળ્‍યો હતો.

દેવભૂમિ દ્વારકાના વિવિધ ખૂણેથી મોટી સંખ્‍યામાં લોકો પધાર્યા હતા, જેમાં ખાસ કરીને ઓખા વિસ્‍તારના ગ્રામ્‍ય વિસ્‍તારોના ખેડૂત મિત્રો તથા ગૌભક્‍તોની ઉમટી પડતી હાજરી નોંધપાત્ર રહી હતી.

આ તકે દ્વારકાદાસભાઇ રાયચૂરા (મોટાભાઈ) - સામાજિક તથા ધર્મસેવા ક્ષેત્રે અગ્રેસર આગેવાન, મિતલભાઇ ખેતાણી - રાજકોટ, કચ્‍છ તથા દ્વારકા ક્ષેત્રના જાણીતા પ્રાકળતિક ખેતી કાર્યકર્તા, વિજયભાઇ ભાયાણી, ચંદુભાઇ બારાઈ, રમજીભાઇ મજિઠિયા - ગ્રામ વિકાસ અને સામાજિક કાર્યોમાં સતત સક્રિય, તેમજ અનેક શહેર પ્રમુખશ્રીઓ, સરપંચશ્રીઓ તથા ગ્રામ્‍ય સમાજના આગેવાનો ઉપસ્‍થિત રહ્યા હતા.

આ સમારોહનું સફળ આયોજન સ્‍થાનિક કળષિ વિભાગ, સામાજિક સંસ્‍થાઓ અને પ્રાકળતિક ખેતીમાં સક્રિય કાર્યકરોના સહયોગથી કરવામાં આવ્‍યું હતું. આ સંમેલન દ્વારકા અને આસપાસના વિસ્‍તારોમાં પ્રાકળતિક ખેતીની એક નવી લહેર લાવશે એવી આશા વ્‍યક્‍ત કરવામાં આવી હતી.