અમરેલી જિલ્લાના રાજુલા તાલુકાના ભાક્ષી ગામ પાસે ધાતરવડી નદી ઉપર આવેલા ધાતરવડી-01 સિંચાઈ યોજનામાં ડિઝાઈન સ્ટોરેજના 100 ટકાથી વધુ પાણી ભરાયેલું હોય હાઈ એલર્ટ આપવામાં આવ્યું છે.

ડેમમાં પાણીની ધીમી આવક શરુ હોય ડેમ ઓવરફલો થવાની સંભાવના છે. ધાતરવડી-1 નીચાણ વાસના ગામો રાજુલા, ધારેશ્વર, નવી – જૂની માંડરડી, ઝાંપોદરના લોકોને અમરેલી ફ્લડ સેલ વાયરલેસ ઓપરેટર દ્વારા ચેતવણી અને સૂચના આપવામાં આવી છે.

અમરેલી જિલ્લાના સાવરકુંડલા તાલુકાના લુવારા ગામ પાસે સૂરજવડી નદી ઉપર આવેલા સૂરજવડી સિંચાઈ યોજનામાં ડિઝાઈન સ્ટોરેજના 100 ટકાથી વધુ પાણી ભરાયેલું છે.

આથી, ડેમમાં પાણીની આવક વધતા 0.30 મી. ઓવરફલો થયો છે, જેનો પ્રતિ સેકન્ડ પ્રવાહ 5,960 કયુસેક છે.

સૂરજવડી નીચાણ વાસના ગામો (1) દોલતી અને (2) ઘાંડલા ગામોના લોકોને નદીના પટમાં અવર જવર ન કરવા તથા સાવચેત રહેવા ચેતવણી આપવા અમરેલી ફ્લડ સેલ વાયરલેસ ઓપરેટર દ્વારા સૂચના આપવામાં આવી છે.