(હેમેન્‍દ્રકુમાર પારેખ દ્વારા) પોરબંદર, તા. ૧૭: ગઇકાલે સવારે ધીમીધારે શરૂ થયેલ વરસાદ મોડી રાત્રી સુધીમાં પોરબંદરમાં સવા બે ઇંચ, રાણાવાવ અને કુતિયાણામાં અર્ધો-અર્ધો ઇંચ વરસાદ પડી ગયો હતો. દરિયાકાંઠે ૩ મીટર મોંજા ઉછળી રહયા છે. આજે સવારે છુટક છાંટા પડી રહયા છે અને ધાબળીયું વાતાવરણ અને અસહય બફારો નીકળી પડયો છે.

જિલ્લા કંટ્રોલ મુજબ પોરબંદર વરસાદ ૬૯ મીમી, રાણાવાવ ૧૧ મીમી, કુતિયાણા ૧૭ મીમી એરપોર્ટ હવામાન કચેરી મુજબ પોરબંદર વરસાદ ૬ર મીમી નોંધાયો છે. ખંભાળા જળાશય ૩૯ મીમી અને ફોદારા જયાશય રપ મીમી વરસાદ નોંધાયો છે.

દરિયા કાંઠે મોંજાનું જોર વધ્‍યું છે ૩ મીટર મોંજા ઉછળી રહયાં છે. આ માટે મોજા દરિયાકાંઠે ભેખડને અથડાયા મોજાની છાંટ બાદ બાજુમાં ઇન્‍દ્રેશ્વર મંદિરના શીખર ઉપર ધજા સુધી પહોચે છે અને ધજાને ભીંજવી નાખે છે. કાંઠાની ભેખડ ઉપર અથડાયા બાદ મોંજાની છાંટથી નજીકના રોડને ભીંજવી નાખે છે.(૬.૯)