જૂનાગઢ જિલ્લામાં જોરદાર વરસાદ વારસયો છે, માણાવદર અને કેશોદમાં ચાર-ચાર ઇંચ, મેંદરડામાં ત્રણ ઇંચ, વંથલી અને વિસાવદરમાં બે-બે ઈંચ, માળિયાહાટીના અને માંગરોળમાં દોઢ ઈંચ, ગિરનાર પર્વત પર બે ઈંચ અને જૂનાગઢ શહેરમાં એક  ઇંચ વરસાદ ખાબકતા સર્વત્ર પાણી પાણી થઈ ગયું છે. ગિરનાર પર્વત પર ઝરણાઓમાંથી પ્રચંડ પાણીનો પ્રવાહ વહી રહ્યો છે.

ધોધમાર વરસાદથી જૂનાગઢમાં રસ્તાઓ પર નદીની જેમ પાણી ફરી વળ્યા છે. આથી વાહનચાલકોને પરેશાન થવાનો વારો આવ્યો છે. બીજી તરફ વાતાવરણ ઠંડુ થતા લોકોએ ગરમીમાંથી રાહત મેળવી છે. તેમજ ધરતીપુત્રોમાં ખુશીની લહેર જોવા મળી રહી છે.