(કિશોરભાઈ રાઠોડ દ્વારા) ધોરાજી :ધોરાજીમાં યોગ દિવસે અર્જુન સ્કૂલના બાળકોએ પોતાની પ્રતિભા બતાવી. હતી 

ધોરાજીના સ્ટેશન રોડ બંબાગેટ પાસે આવેલ અર્જુન સ્કૂલમાં યોગ દિવસ નિમિત્તે આયોજિત કાર્યક્રમમાં વિદ્યાર્થીઓએ શાનદાર યોગ કર્યા. આ કાર્યક્રમનો હેતુ બાળકોને યોગના મહત્વ અને તેના સ્વાસ્થ્ય લાભો વિશે જાગૃત કરવાનો હતો.
 બાળકોએ વિવિધ યોગના આસનો કર્યા જેમાં તેઓએ  તેમની સુગમતા, સંતુલન અને એકાગ્રતાનું પ્રદર્શન કર્યું હતું .
યોગ આપણા જીવનમાં મહત્વપૂર્ણ ભૂમિકા ભજવે છે. તે ફક્ત આપણું શારીરિક સ્વાસ્થ્ય જ સુધારતું નથી પણ માનસિક સ્વાસ્થ્યને પણ મજબૂત બનાવે છે અમને ખુશી છે કે અર્જુન સ્કૂલના બાળકો યોગનું મહત્વ સમજે છે.
આ કાર્યક્રમ દ્વારા બાળકોએ યોગ પ્રત્યે પોતાની રુચિ અને ઉત્સાહ દર્શાવ્યો. અમને આશા છે કે આ યોગ દિવસ નિમિત્તે આ કાર્યક્રમ દ્વારા બાળકોને યોગ પ્રત્યે વધુ પ્રેરિત કરશે
 આ કાર્યક્રમને સફળ બનાવવા માટે સ્કૂલના આચાર્ય સુધીરભાઈ બદીયાણી, ઉષાબેન દાવડા, હેતલબેન વાછાણી, નયનાબેન ઘેલાણી તેમજ સમસ્ત સ્ટાફે ખૂબ જ મહેજત ઉઠાવી હતી.