તા. ૧૦ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧ મંગળવાર
ધ્રોલ ખાતે શુક્રવારે મચ્છોમાં ચેરીટેબલ ટ્રસ્ટ દ્વારા અષાઢી બીજ મહોત્સવ
ધ્રોલ ખાતે છેલ્લા ૧૬ વર્ષથી અષાઢી બીજ મહોત્સવનું ભવ્ય આયોજન કરવામાં આવે છે સંતો-મહંતોની ઉપસ્થિતિમાં શોભાયાત્રા - મહાપ્રસાદનું આયોજન..
(સંજય ડાંગર-હસમુખરાય કંસારા દ્વારા) ધ્રોલ તા. રપઃ ધ્રોલ ખાતે શુક્રવારે અષાઢી બીજના પાવન પર્વની પરંપરાગત ઉજવણી જગન્નાથપૂરી, અમદાવાદ સહિતના સ્થળોએ ભવ્ય રીતે કરવામાં આવે છે. આ પર્વની ભરવાડ સમાજના શ્રી પંચની મચ્છો માં - ધ્રોલ ખાતે પણ ભવ્ય ઉજવણી કરવામાં આવે છે. જે અંતર્ગત આગામી તા. ૨૭ જુલાઈ, શુક્રવારના રોજ ૧૬ માં અસાઢી બીજ મહોત્સવની ભવ્ય ઉજવણી કરવામાં આવશે આતકે સંતો-મહંતોની ઉપસ્થિતિ રહેશે.
શ્રી પંચની મચ્છોમાં ચેરીટેબલ ટ્રસ્ટ, ધ્રોલના ઉપક્રમે પપૂ. મહંત શ્રી ૧૦૦૮ શ્રી ઘનશ્યામપુરી ગુરુશ્રી શિવપુરી ગ્વાલીનાથ મહાદેવ - થરા, ૫.પૂ. મહંત શ્રી ગાંડુ ભગત શ્રી મચછું માતાજી મંદિર- મોરબી તેમજ પ. પૂ. મહંત શ્રી બાલારામ બાપુ મૂળાબાપાની જગ્યા-દ્વારકાની પ્રેરક ઉપસ્થિતિમાં વિવિધ ધાર્મિક કાર્યક્રમોનું ભવ્ય આયોજન કરવામાં આવ્યું છે.
અષાઢી બીજના દિવસે સવારે ૭-૩૦ કલાકે માતાજીનો અભિષેક, ૯-૩૦ કલાકે ભવ્ય શોભાયાત્રા, યજ્ઞ, ગણપતિ પૂજન તેમજ બપોરે ૧૨-૩૦ કલાકે મહાપ્રસાદનું આયોજન કરવામાં આવ્યું છે. શ્રી સંજયભાઇ હિરાભાઇ ભુંડિયા હવનમાં સાતક બેસનાર છે. આ તકે સૌ ધર્મપ્રેમી ભાઈઓ -બહેનોને આ રૂડા અવસરે ભાવભીનું આમંત્રણ પાઠવવામાં આવ્યું છે.
(12:21 PM IST)
છેલ્લા 8 દિવસમાં સૌથી લોકપ્રિય 
