જામનગરઃ બાવા ચકલા વિસ્‍તારમાં ચાલતા સીસી રોડના કામના સ્‍થળે સ્‍ટેન્‍ડિંગ કમિટીના ચેરમેન દ્વારા નિરીક્ષણ કરવામાં આવ્‍યું હતું. વોર્ડ નંબર ૯ માં સીસી રોડની કામગીરી ચાલી રહી છે. જે કામ ગુણવતા યુકત થાય છે, કે કેમ? તે અંગેની ચકાસણી કરવા કોર્પોરેટ અને સ્‍ટેન્‍ડિંગ કમિટીના ચેરમેન નિલેશ કગથરા એ કામના સ્‍થળે નિરીક્ષણ કર્યું હતું. આ સમયે સાઇટ ઇજનેરને પણ સાથે રાખવામાં આવ્‍યા હતા, અને તેમની પાસેથી કામની વિગતો પણ મેળવી હતી.