(જયેશ ભટ્ટાસણા દ્વારા) ટંકારા, તા. ૬ :  મોરબી જીલ્લાના ટંકારા શહેરને શુશોભન સાથે સુરક્ષા માટે શહેર ફરતે મોરબી રાજવી રવાજી બીજાએ વિક્રમ સંવત ૧૯૦૩ એટલે કે આઝાદીના ૧૦૦ વર્ષ પહેલાં ઈ. સ ૧૮૪૭માં બાંધવામાં આવેલ પ્રવેશદ્વારો જેમાં શહેરના ચાર દરવાજા હતા જે કાળ ક્રમે માત્ર હાલે એક જ મોરબી નાકાનો મુખ્‍ય પ્રવેશદ્વાર વર્ષોની ઋતુચક્ર અને ભુંકપ સાથે બાથ ભીડી ઝજુબયો પરતું વહિવટી તંત્ર દ્વારા રાખરખાવમા ઉપેક્ષા કરી જેના પગલે આજે આ ઐતિહાસિક ધરોહર જીણક્ષિણ થઈ જતા વર્તમાન સમયમાં રાહદારીઓ માટે અહિથી નિકળવામા ભય લાગતો હોય આ તોરણના ઝાપાની તાકિદે હુનહાર એન્‍જીનીયરો દ્વારા તપાસ કરવામાં આવે અને જરૂરી પગલા ભરવા જરૂરીયાત ઉભી થઈ છે.

આ દ્રારથી સિવિલ હોસ્‍પિટલ ખાતે સારવાર અર્થે આવતી ૧૦૮ ઉપરાંત હેવી ટ્રક સહિત મોટા ભાગની આવન જાવન રહે છે ત્‍યારે અહીથી પસાર થતી વખતે રિતસર ધ્રુજારી છુટી જાય એવી દયનીય સ્‍થિતિમાં આ પ્રવેશદ્વાર હોય જીલ્લા વહિવટી તંત્ર તાત્‍કાલિક અસરથી આ અંગે ધટતુ કરી નિર્દોશ જીવો ઉપર કોઈ જોખમ આવે અને આ ઝાપાને અપજસ મળે એ પુર્વે ધટતુ કરવા લોક માંગ ઉઠી છે.