તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
ગોંડલ પાલિકા તથા પોલીસ તંત્રની બેઠક યોજાઈઃ લોકમેળામાં સંયુક્ત કામગીરી કરાશે
પોલીસ અને નગરપાલિકા સદસ્યોનું વોટસઅપ ગળપ બનાવાયું: લોકમેળામાં રોમિયોગીરી લુખ્ખાગીરી નહી ચાલેઃ પોલીસનો આકરો મેસેજ
(જીતેન્દ્ર આચાર્ય દ્વારા) ગોંડલ, તા.૮: જન્માષ્ટમીનાં તહેવારોમાં યોજાતા ગોંડલનાં ભાતીગળ લોકમેળા ને ગણતરીનાં દિવસો બાકી છે. ત્યારે મેળામાં કાયદો વ્યવસ્થા માટે નગરપાલિકાનાં સદસ્યો સહયોગી બને એ હેતુ થી શહેરનાં બન્ને ડિવિઝનનાં પીઆઇ દ્વારા નગરપાલિકા કચેરીએ મીટીંગ નું આયોજન કરાયુ હતું જેમાં સાત દિવસીય લોકમેળાને માણવા આવતાં લોકો કોઈ ભય વગર મુકતમને મેળો માણી શકે તે માટે કાયદો વ્યવસ્થા નાં આયોજન અંગે ચર્ચા કરાઇ હતી. સંગ્રામસિંહ હાઈસ્કૂલનાં મેદાનમાં યોજાતા લોકમેળામાં શહેર તથા આસપાસનાં પંથકનાં લોકો પરીવાર સાથે મેળો માણવાં ઉમટતાં હોય ટ્રાફિક વ્યવસ્થા અંગે પીઆઇ ગોહીલ તથા પીઆઇ રાવ દ્વાારા જાણકારી આપી ટાઉનહોલનાં ગ્રાઉન્ડમાં પાર્કીંગ વ્યવસ્થા કરાયાનું જણાવ્યું હતું. મેળા કમીટી નાં સદસ્ય આશિફભાઇ ઝકરીયા એ તાલુકા સ્કુલનાં પટ માં ખાસ કરીને ગ્રામ્ય વિસ્તાર માંથી આવતા લોકો માટે વિનામૂલ્યે પાર્કીંગ વ્યવસ્થા નગરપાલિકા દ્વારા કરાયાનું જણાવ્યું હતું.પુર્વ નગરપતિ મનસુખભાઈ સખીયાએ મેળામાં ખિસ્સા કાતરુ તેનો કસબ અજમાવે તે પહેલા આગોતરી કામગીરી કરવા સુચન કર્યુ હતુ.
એ-ડીવીઝન પીઆઇ ગોહીલે મેળાનાં મેદાન માં સીસીટીવી કેમેરા કાર્યરત કરાશે તેવુ જણાવ્યુ હતુ.જ્યારે બી-ડીવીઝન પીઆઇ રાવે મેળામાં બે થી ત્રણ ટાવર બનાવી પોલીસ દ્વારા અસામાજીક તત્વો કે રોમિયોગીરી કરતા તત્વો પર વોચ રખાશે તેવું જણાવ્યું હતું.
પાલીકા સદસ્યો અને પોલીસ તંત્ર વચ્ચે સંકલન જળવાઇ રહે તે હેતુ થી વોટસઅપ ગળપ બનાવાયુનું બન્ને પોલીસ અધિકારીઓ એ જણાવી જન્માષ્ટમી નાં પર્વ અને લોકમેળા ને લઇ ને શહેરભર માં બંદોબસ્ત અને સઘન પેટ્રોલિંગ કરાશે તેવુ જણાવ્યું હતુ. નગરપાલિકા પ્રમુખ અશ્વિનભાઈ રૈયાણી, ઉપપ્રમુખ પરીતાબેન ગણાત્રા, કારોબારી અધ્યક્ષ ક્રિપાલસિંહ જાડેજા તથા ચીફ ઓફિસર અﾍીનભાઇ વ્યાસે લોકમેળા માં પોલીસ તંત્ર ને પુરો સહકાર અપાશે તેવી ખાત્રી આપી હતી. બેઠક માં નગરપાલિકાનાં સદસ્યો, કર્મચારીઓ ઉપસ્થિત રહ્યા હતા.
(11:26 AM IST)
છેલ્લા 8 દિવસમાં સૌથી લોકપ્રિય 
