<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Saturday, 9th August 2025

ટ્રિબ્‍યૂનલનો ચૂકાદોઃ સરકારી જમીન ખાનગી જાહેર કરાઇ : દસાડા પંથકમાં ૫૧૧ એકર ૧૩ ગુંઠા જમીન ત્રણ પરિવારને મળશે

 (ફઝલ ચોૈહાણ દ્વારા) વઢવાણ, તા.૯: ગુજરાત રેવન્‍યુ ટ્રિબ્‍યુનલે દસાડા તાલુકાના નાવિયાણી ગામની ૫૧૧ એકર ૧૩ ગુઠા જમીનને ખાનગી મિલકત જાહેર કરી છે. આ જમીન પહેલા સરકારી જમીન તરીકે ગણવામાં આવતી હતી.

આ જમીન અમદાવાદ જિલ્લાના માંડલ તાલુકાના હાંસલપુર ગામની બાજુમાં આવેલી છે. આ વિસ્‍તારમાં માંડલ-બેચરાજી સ્‍પેશિયલ ઇનવેસ્‍ટમેન્‍ટ રિજન (લ્‍ત્‍ય્‍)માં ઓટો કંપની મારુતિ સુઝુકીનો ગુજરાત પ્‍લાન્‍ટ આવેલો છે.

ટ્રિબ્‍યુનલના સભ્‍યો બી.એ. દવે અને પી.એસ. કાલાના ચુકાદાએ જમીનના અગાઉના વર્ગીકરણને ઉલટાવી દીધું છે. આ ચુકાદાથી ૧૫ અરજદારોને માલિકી હક આપવામાં આવ્‍યો છે. અરજદારોએ આ જમીનને ભૂતપૂર્વ વણોદ રાજ્‍યની શ્નગિરાસદારઙ્ખ મિલકત તરીકે દાવો કર્યો હતો.

ગિરાસદાર એ જમીનધારકોનો એક વર્ગ છે. તેમને અમુક જમીનો પર વારસાગત અધિકારો હતા. આ અધિકારો ઘણીવાર ભૂતપૂર્વ રજવાડાઓ દ્વારા આપવામાં આવતા હતા.

મૈઉદ્દીન ઉર્ફે મૈયુદ્દીન તાલેબાના નેતળત્‍વમાં અરજદારોએ શરૂઆતમાં પાટડી મામલતદારનો સંપર્ક કર્યો હતો. તેમણે સર્વે નંબર ૪૦૩નો એક ભાગ ધરાવતી જમીન પર તેમના પૂર્વજોના હકોનો દાવો કર્યો હતો. તેમની અરજી જૂન ૨૦૨૩માં ફગાવી દેવામાં આવી હતી. ત્‍યારબાદ તેમણે ગુજરાત રિવ્‍યુ ટ્રિબ્‍યુનલમાં અપીલ કરી હતી.

કેસની વિગતો અનુસાર, અરજદારોના પૂર્વજો નાવિયાણી ગામમાં ‘ગિરાસદાર' જમીનના ૫૧૧ એકર પર અમીર સાહેબ ખાનસાહેબ માલિકીના હકો ધરાવતા હતા. આ હકોનો દાવો વણોદ રાજ્‍યના શેરધારકો તરીકે કરવામાં આવ્‍યો હતો. તેમના ગિરાદાસે ૧૮૮૨ પહેલાના છે.

૧૯ જૂન, ૧૮૮૭ના રોજ, જમીન રજિસ્‍ટર્ડ દસ્‍તાવેજ દ્વારા રૂ. ૫,૦૦૦માં ગીરવે મૂકવામાં આવી હતી. ત્‍યારબાદ ૨૧ જાન્‍યુઆરી, ૧૯૯૨ના રોજ બે અલગ-અલગ દસ્‍તાવેજો દ્વારા ગીરવે મુક્‍ત કરવામાં આવી હતી. જમીનને ખાનગી માલિકીની તરીકે સ્‍થાપિત કરવા માટે વધારાના રેકોર્ડ પણ રજૂ કરવામાં આવ્‍યા હતા.

મલેક વાહીદખાન હનીફખાન અનુસાર, આ જમીન નોંધ નં-૧૪૩થી તેમની ઘણા વર્ષોથી લડત હતી. તેમણે ૨૦૨૧માં પાટડી મામલતદાર સમક્ષ ચેલેન્‍જ કરી હતી, જે ૨૦૨૩માં ફગાવી દેવામાં આવી હતી.

ત્‍યારબાદ તેઓ ગુજરાત ટ્રીબ્‍યુનલમાં અપીલમાં ગયા હતા. ટ્રિબ્‍યુનલના ચુકાદાથી હવે ૫૧૧ એકર અને ૧૩ ગુઠા જમીન ત્રણ પરિવારના વારસદારોને મળશે. (૩.૮)

(1:42 PM IST)