(પરેશ પારેખ દ્વારા) પોરબંદર, તા.૧૨: મહાનગરપાલિકા અને વહીવટી તંત્ર દ્વારા આયોજીત જન્‍માષ્‍ટમી લોકમેળા-૨૦૨૫નું આયોજન કરવામાં આવેલ છે. જેમાં દરરોજના સાંસ્‍કૃતિક કાર્યક્રમો યોજાશે.

લોકમેળામાં તા.૧૫/૮/૨૦૨૫ સાતમ (શુક્રવાર) રશ્‍મિકાબેન રબારીના લોકગીતો તા. ૧૬/ જન્‍માષ્‍ટમી (શનિવાર) એ શ્રી સાગર કાચા, જૂનાગઢ વાળાના-લોકગીતો તા.૧૭/ નવમ (રવિવાર) એ (તૃપ્‍તીબેન આર. ટાપરીયા) વડોદરા દ્વારા ગીત-સંગીત યોજાશેઆ લોકમેળામાં  તા.૧૮/ દશમ (સોમવાર)એ જીતુભાઇ દ્વારકાવાળા (જીતેન્‍દ્રભાઇ બી. ઉપાધ્‍યાય) જૂનાગઢ વાળાનો હાસ્‍ય દરબાર તા. ૧૮/ દશમ એ કિશન રાદડિયા એન્‍ડ રિધમ ટીમ સુરત વાળાની ઓરકેસ્‍ટ્રા પાર્ટી તેમજ તા.૧૯/ અગીયારસ (મંગળવાર) એ ઓસમાણભાઇ મીરનો લોકડાયરો રાખેલ છે તેમ નાયબ કમિશનર (પ્રોજેકટ) મહાનગરપાલિકાની યાદીમાં જણાવ્‍યું છે.