જામનગરઃ શહેરમાં ગઇકાલે રાત્રે અને આજે સવારે મેઘરાજાએ પધરામણી કરી હતી અને હળવાથી મધ્‍યમ ઝાપટા પડયા હતા. (તસ્‍વીરઃ કિંજલ કારસરીયા-જામનગર)

(મુકુંદ બદિયાણી દ્વારા) જામનગર તા. ૧૯: જામનગર શહેરમાં કાલે રાત્રીના પોણા ર ઇંચ વરસાદ પડયા બાદ આજે સવારથી ઝાપટા રૂપે વરસાદ પડી રહ્યો છે.

જામનગરના નવાગામમાં સવા બે ઇંચ, મોટા પાંચદેવડામાં પોણા ર ઇંચ, સમાણા, વાંસજાળીયા, ધ્રાફા, પડાણા, હરીપરમાં દોઢ ઇંચ વરસાદ પડયો છે.

જયારે વસઇ, લાખાબાવળ, અલીયાબાડા, દરેડ, ખરેડી, મોટા વડાળા, ભલસાણ બેરાજા, શેઠ વડાળા, દોમડા, પરડવા, પીપરટોડા, ભણગોર, મોટા ખડબામાં પોણો ઇંચ વરસાદ પડયો છે. (૭.ર૩)