દેવભૂમિ દ્વારકા જિલ્લાનાં કલ્યાણપુરમાં વરસાદી પૂરમાં યુવક તણાઈ ગયો છે. કલ્યાણપુર બસ સ્ટેન્ડ પાસે આવેલ નીલકંઠ મહાદેવ મંદિર પાસેનાં પુલમાં યુવક તણાયો હતો. ભુરાભાઇ ભરવાડ નામનો યુવક પાણીના પ્રવાહમાં તણાઈ જતા શોધખોળ હાથ ધરવામાં આવી છે. યુવકની શોધખોળ કરવા માટે NDRF ની મદદ લેવાઈ છે. NDRF અને દ્વારકા ફાયર ટીમ તેમજ સ્થાનિક તરવૈયાઓ દ્વારા પાણીના વહેણમાં યુવકની શોધખોળ હાથ ધરવામાં આવી છે.