રાજકોટ તા. ૨૨: પડધરી તાબેના ભાયુના દોમડા ગામે રહેતાં અને ખેતી કરી ગુજરાન ચલાવતાં રામજીભાઇ મુળજીભાઇ પરમાર (ઉ.વ.૬૫) ઉપર ગામમાં જ રહેતાં કેશુબેન નામના મહિલાના દિકરાઓએ પાઇપથી હુમલો કરી માર મારતાં સારવાર માટે રાજકોટ સિવિલ હોસ્‍પિટલમાં દાખલ થતાં હોસ્‍પિટલ ચોકીના સ્‍ટાફે પડધરી પોલીસને જાણ કરી હતી. રામજીભાઇએ કહ્યું હતું કે-કેશુબેન મજુરીએ આવ્‍યા હોઇ તેને દાડી મુજબના પૈસા ચુકવી દીધા હતાં. પરંતુ તે પહેલા જ દિવસે મજુરીએ આવ્‍યા ત્‍યારે પડી ગયા હોઇ તેની સારવારના ખર્ચના પૈસા તેણીના દિકરાઓએ મારી પાસે માંગી ઝઘડો કરી હુમલો કર્યો હતો. પડધરી પોલીસે આ અંગે તપાસ હાથ ધરી છે. (૧૪.૭)