(સંજય ડાંગર દ્વારા) ધ્રોલ તા.૨૨ : ધ્રોલ પંથકમાં સૌની યોજના અંતર્ગત  આજી 3 થી ઊંડ1 વચ્ચે આવેલી પાઇપલાઇનમાં નર્મદા મૈયાનું પાણી છોડાયુ છે. હાલ હજુ વરસાદની ખુબ ધટ હોવાથી ખેડુતને આશા નુ કિરણ નર્મદાનું પાણી છે નર્મદાનું આ પાણી પીયત માટે છોડાતા ખેડૂત ખુશખુશાલ થયા છે. પીપરટોડા, સુમરા, રાજપર, હમાપર, સહિત ગામના લોકો પાણી છોડાયું ત્યારે ઉપસ્થિત રહ્યા હતા. આ તકે જામનગર-દેવભૂમિ દ્વારકાના સાંસદ પુનમબેન માડમ, ધારાસભ્ય મેઘજીભાઈ ચાવડા, જિલ્લા પંચાયત સદસ્ય લગધસિંહ જાડેજા, સહિતના સંગઠનના હોદેદારોનો સૌએ આભાર વ્યક્ત કર્યો હતો.