(વિનોદ ગાલા દ્વારા) ભુજ તા.૨૩: કલ્‍પના કરો કે પ્રથમ માળે બાલકનીમાંથી કપડા સૂકવતી વખતે પગ લપસી જાય અને નીચે ગેટની લોખંડની ગ્રીલનો સળીયો હાથની આરપાર ઘૂસી જાય તો? કલ્‍પના પણ ધ્રુજાવી દે એવી છે. કચ્‍છના માંડવીના મોટા લાયજા ગામે આવો વિચિત્ર અકસ્‍માત સર્જાયો હતો. કપડાં સૂકાવવા જતા કાશ્‍મીરા નામના મહિલાનો પગ સ્‍લીપ થયો હતો અને મહિલાનો હાથ દીવાલની ગ્રીલમાં ફસાઈ ગયો હતો. ગ્રીલનો લોખંડનો સળીયો મહિલાના હાથમાં આરપાર ઘુસી ગયો હતો. જોકે, સદનસીબે ગામમાં ડોક્‍ટર હોઈ એમને સ્‍થળ પર બોલાવાયા હતા. અનુભવી અને કુશળ તબીબે ખૂબ જ કુશળતા પૂર્વક હાથમાંથી સળિયાને બહાર કાઢયો હતો.