વઢવાણઃ સુરેન્‍દ્રનગર આંબેડકર ચોક નજીક સફાઈ કામદાર ચંદુભાઈ ભનાભાઈ સોલંકી સફાઈ કામગીરી કરતા હતા. ત્‍યારે એક પુરઝડપે નીકળેલી કારે તેમને અડફેટે લીધા હતા. જયારે આ કાર એક દુકાનની દીવાલ સાથે અથડાઈ હતી. જયારે એક ટેલીફોન કંપનીના વીજ પોલને પણ ધરાશાયી કરી દીધો હતો. આ બનાવમાં ઈજાગ્રસ્‍ત સફાઈ કામદારને સારવાર માટે સી.યુ.શાહ મેડીકલ કોલેજ એન્‍ડ હોસ્‍પીટલ લઈ જવાયો હતો. બીટ જમાદાર રાકેશ સોલંકી, મુકેશ ઉત્તેળીયા સહિતનાઓ દોડી ગયા હતા. અને ઈજાગ્રસ્‍તના નીવેદનને આધારે બનાવની ફરિયાદ નોંધવાની તજવીજ હાથ ધરી હતી.(૬.૮)