ભાવનગર,તા.૧

ભાવનગર જિલ્લામાં ભાઈ બહેનના પવિત્ર સંબંધોને શર્મશાર કરતો કિસ્સો સામે આવ્યો છે. જિલ્લાના તળાજા ખાતે એક બહેને પોતાના ભાઈની સામે જ દુષ્કર્મની ફરિયાદ નોંધાવતા ભારે ચકચાર મચી જવા પામી છે .

આ કેસમાં ભાઈ બહેનના પવિત્ર સંબંધ ઉપર પણ હવે લાંછન લાગ્યુ છે.ભાવનગર જિલ્લાના તળાજા પંથક માં આવેલ એક ગામમાં એક બહેને પોતાના જ સગા ભાઈ સામે દુષ્કર્મ ની ફરિયાદ નોંધાવી છે. સમગ્ર ઘટના અંગે તળાજા પોલીસ મથક ખાતે ૨૭ ઓગસ્ટ ના રોજ તળાજા પંથકમાં રહેતી એક બહેને પોતાના ભાઈ સામે જ દુષ્કર્મ ની ફરિયાદ નોંધાવી છે જેથી પોલીસે દુષ્કર્મ આચરનાર ભાઈ ની ધરપકડ કરી વધુ તપાસ હાથ ધરી છે.ભોગ બનનાર બહેને પોતાના ભાઈ સામે ફરિયાદ નોંધાવી હતી કે પોતાના જ ગામમાં રહેતા એક યુવક સાથે યુવતી ના ભાઈ ને શંકા હતી અને એ શંકા ના આધારે રાગ દ્વેષ રાખી પોતાની સગી બહેનને છરી બતાવી ૨ વખત દુષ્કર્મ ગુજાર્યું હતું. આ બનાવ બાદ યુવતી એ તળાજા પોલીસ મથક માં દુષ્કર્મ ની ફરીયાદ નોંધાવી હતી