( પ્રવિણ વ્યાસ દ્વારા ) મોરબી : શ્રી કડવા પાટીદાર કન્યા કેળવણી મંડળ મોરબી દ્વારા સંચાલિત પાટીદાર જનસેવા કેન્દ્રનો આવતીકાલ તા. 7-9-2025ને રવિવારના રોજ રાત્રે 8:30 કલાકે પટેલ કન્યા છાત્રાલય ખાતે શુભારંભલોકાર્પણ સમારોહનું આયોજન કરવામાં આવ્યુ છે.

     આ શુભારંભ લોકાર્પણ સમારોહમાં પાટીદાર જનસેવા કેન્દ્રના શુભારંભની સાથે સાથે સન્માન સમારોહ યોજાશે. જેમાં પાટીદાર કેરિયર એકેડમીમાંથી અભ્યાસ કરી સરકારી ફરજ બજાવતા વિદ્યાર્થીઓનું સન્માન, ઈમ્પોર્ટ-એક્સપોર્ટ ટ્રેઇનિંગ ક્લાસની તૃતીય બેચના તાલીમાર્થીને સર્ટિફિકેટ અર્પણ, બ્યુટીપાર્લર ટ્રેઇનિંગ ક્લાસની ચતુર્થ બેચના તાલીમાર્થી બહેનોને સર્ટિફીકેટ અર્પણ, 135 તાલીમાર્થી માટે ઈમ્પોર્ટ-એક્સપોર્ટ ટ્રેઇનિંગ ક્લાસની ચોથી બેચને તેમજ 75 વિદ્યાર્થીઓ માટે બેઝિક કમ્પ્યુટર ક્લાસની પ્રથમ બેચને આવકાર આપવામાં આવશે.
    આ કેન્દ્રમાં સરકારની લોકહિત, શૈક્ષણિક, આરોગ્ય અને બિન અનામત આયોગને લગતી યોજનાની માહિતી અપાશે અને નિઃશુલ્ક ફોર્મ ભરી આપવામાં આવશે. આ કેન્દ્ર શરૂ કરવા માટે કડવા પાટીદાર કન્યા કેળવણી મંડળના પ્રમુખ બેચરભાઈ હોથી, ઉપપ્રમુખ ત્રમ્બકભાઈ ફેફર, ચેરમેન એ.કે.પટેલે જહેમત ઉઠાવી છે.