(સંજય ડાંગર દ્વારા) ધ્રોલ તા.૧૨ : ધ્રોલ શ્રદ્ધા અને સેવાના સમન્વયનું ઉત્તમ ઉદાહરણ પૂરું પાડતાં શ્રી પ્રગટેશ્વર મહાદેવ મિત્ર મંડળ દ્વારા માઁ આશાપુરાના દર્શને જતા હજારો યાત્રાળુઓ માટે ભવ્ય સેવા કેમ્પનું આયોજન કરવામાં આવ્યું છે. આ સેવાકીય પ્રવૃત્તિ આગામી ૧૨ થી ૧૭ સપ્ટેમ્બર દરમિયાન યોજાશે.

યાત્રાધામ તરફ જતા યાત્રાળુઓને કોઈપણ પ્રકારની અગવડ ન પડે તે માટે મંડળના સભ્યો ખડે પગે સેવા આપશે. ધ્રોલના લતપીર ટંકારા રોડ, માણેકપર ચોકડી ખાતે આ કેમ્પનું આયોજન કરવામાં આવ્યું છે, જે યાત્રાના મુખ્ય માર્ગ પર આવેલું છે. આ સેવા કેમ્પમાં યાત્રાળુઓ માટે ચા, નાસ્તો, ઠંડા પીણાં અને ભોજનની વ્યવસ્થા નિઃશુલ્ક રાખવામાં આવી છે. 

આ વ્યવસ્થાનો મુખ્ય હેતુ એ સુનિશ્ચિત કરવાનો છે કે ભક્તિભાવથી યાત્રાએ નીકળેલા શ્રદ્ધાળુઓને પૂરતી સુવિધા મળી રહે. શ્રી પ્રગટેશ્વર મહાદેવ મિત્ર મંડળ દ્વારા આયોજિત આ સેવા કેમ્પ સમાજ માટે એક પ્રેરણાદાયક પહેલ છે, જે દર્શાવે છે કે માનવસેવા એ જ સાચી પ્રભુસેવા છે. મંડળના સભ્યોએ સૌ યાત્રાળુઓને આ સેવાઓનો લાભ લેવા ભાવભર્યું આમંત્રણ પાઠવ્યું છે. આશા રાખીએ કે આ સેવાકાર્ય સફળતાપૂર્વક પૂર્ણ થશે અને યાત્રાળુઓને સુખદ અનુભવ મળશે સેવાભાવી સંજય જાડેજા યાદીમાં જણાવ્યું હતું.