(વિનુ જોષી દ્વારા) જૂનાગઢ તા.૧૩: બિલખાના રાવતેશ્વર ધર્માલય ખાતે પ.પૂ. બ્રહ્મલીન સંત પુ ગોપાલાનંદબાપુની સાતમી પુણ્‍યતિથી તા.૧૪ ને રવિવારના રોજ હોય જેની ઉજવણી કરવામાં આવનાર છે.

જેમાં પંચ અગ્નિ અખાડાના સભાપતિ પુ મુકતાનંદનજી બાપુની પ્રેરણાથી તથા પુ સંપુર્ર્ણાનંદજી બાપુના અધ્‍યક્ષ સ્‍થાને વિવિધ કાર્યક્રમો યોજાનાર છે.  આજે રાત્રે ૯ કલાકે રાવતેશ્વર ધર્માલયના   પટાંગણમાં સંતવાણીનો કાર્યક્રમ રાખેલ  છે. તેમાં રાજભા ગઢવી તેમજ સહકલાકારો જમાવટ કરશે અને રવિવારના રોજ પુ બાપુની તિથી નિમીતે સવારે ૮/૩૦ કલાકે રાવતેશ્વર ધર્માલયથી પદયાત્રા નિકળશે. અને પુ ગોપાલાનંદ બાપુની પ્રતિમાનું પુજન અર્ચન કરવામાં આવશે અને ૧૦ કલાકે સંતો મહંતોની ધર્મસભા  અને બપોરે ૧૨ કલાકે ભંડારો ભોજનપ્રસાદનું આયોજન કરેલ છે. જેમાં ધર્મપ્રેમી જનતા ને ઉપસ્‍થિત રહેવા પુ મુકતાનંદબાપુ એ જાહેર નિમંત્રણ પાઠવ્‍યું છે.