મોરબીમાં ITના દરોડામાં ૩૦૦ કરોડથી વધુ બિનહિસાબી વ્યવહારો ઝડપાયાઃ મેરેથોન દરોડાની કાર્યવાહી પુર્ણતાના આરે
૩ લોકર ખોલતા રૂા. પ૦ લાખના દાગીના મળ્યાઃ ૮૦૦ જીબીનો ડેટા કબ્જે કરી આગળની કાર્યવાહી
(પ્રવિણ વ્યાસ દ્વારા મોરબી તા ૧૯ :.. મોરબીમાં આઈટીની તપાસ પૂર્ણતાનાં ૩૦૦ કરોડથી વધુના બિનહિસાબી વ્યવહારો ઝડપાયા. ફફડાટને કારણે આંગડિયા પેઢીઓને ત્રણ દિવસથી તાળા!
સીલ કરેલા ૨૫ લોકરમાંથી ૩ લોકર ખોલવામાં આવતા ૫૦ લાખના દાગીના નીકળ્યા કુલ ૪૭ સ્થળે પાડવામાં આવેલ દરોડામાં ૨૫ ઘર, ૫ ઓફિસ તેમજ ફેકટરીઓમાં તપાસ : ૮૦૦ જીબી જેટલો ડેટા કબ્જે કરાયો.
મોરબીના જાણીતા લીવા, લેવિસ, મેટ્રો સહિતના સીરામીક ગ્રુપને ત્યાં ઇન્કમટેક્સના મેગા ઓપરેશનના ત્રીજા દિવસે દરોડામાં કુલ ૪૭ સ્થળોએ તપાસ બાદ ૩૦૦ કરોડથી વધુના બિનહિસાબી વ્યવહાર મળી આવ્યા હતા. સાથે જ બિનહિસાબી વ્યવહારો જ્યાં થતા હતા તેવા ખાસ ફલેટમાંથી ઈન્કમટેક્સ વિભાગે ૮૦૦ જીબી ડેટા પણ કબ્જે કર્યો હોવાનું સામે આવ્યું છે.
મોરબીમાં ઈન્કમટેક્સ વિભાગના મેગા ઓપરેશનના ત્રીજા દિવસે પણ સતત તપાસ ચાલુ રાખવામાં આવી છે. અમુક ઉદ્યોગકારોએ કર ચોરીની કબૂલાત આપતા હવે આ તપાસ પૂર્ણતા ના આરે પોહચી હોવાનું ટોચના સૂત્રો જણાવી રહ્યા છે. ઈન્કમટેક્સ વિભાગ દ્વારા સીરામીક ઉદ્યોગકાર દ્વારા જમીન મકાનના ધંધામાં મોટા પ્રમાણમાં બિનહિસાબી વ્યવહારો કર્યા હોવાના ઈમ્પુટ્સને આધારે લીવા, લેવિસ, મેટ્રો, ફેસ સહિતના સીરામીક ગ્રુપ અને ઈડનહિલ ગ્રુપને ત્યાં તપાસ કરવામાં આવી હતી જેમાં લેવિસ ગ્રુપના મોટા પ્રમાણમાં થયેલા વ્યવહારો સામે આવતા ઈન્કમટેક્સ દ્વારા કુલ ૩૦૦ કરોડના વ્યવહારો મળી આવ્યા હતા. સાથે જ રેઈડ દરમિયાન દસેક કરોડની રોકડ કબ્જે લઈ આઈટી વિભાગે કુલ ૨૫ બેન્ક લોકર સીલ કરી દીધા હતા.વધુમાં ઇન્કમટેક્સ દ્વારા સીલ કરવામાં આવેલ લોકર પૈકી ૩ લોકર ખોલતા લોકરમાંથી રૂપિયા ૫૦ લાખની જવેલરી મળી આવી હતી. નોંધનીય છે કે, જમીન મકાનના ધંધામાં મોટા પ્રમાણમાં બિનહિસાબી વ્યવહાર કરનાર લીવા -લેવિસ ગ્રુપ દ્વારા ઈન્કમટેક્સની નજરથી બચવા એક ફલેટ ભાડે રાખી સમગ્ર ધંધાનું સંચાલન ત્યાંથી કરવામાં આવતું હોવાનું સામે આવતા આ ફલેટમાંથી આઈટી વિભાગે ૮૦૦ જીબીનો ડેટા કબ્જે કરી આગળની તપાસ શરૂ કરી છે. મોરબી અને રાજકોટમાં હાથ ધરાયેલા આ મેગા ઓપરેશન દરમિયાન ઇન્કમટેક્સની ટીમોએ કુલ ૪૭ સ્થળોએ તપાસ કરી હતી જેમાં ૨૫ ઘર, ૫ ઓફિસ તેમજ અન્ય ફેકટરીના સ્થળોનો સમાવેશ થાય છે.ઇન્કમટેક્સના વિશ્વસનીય વર્તુળોએ જણાવ્યું હતું કે, મેગા ઓપરેશન લાંબો સમય સુધી ચાલે તેમ હતું પરંતુ હાલમાં અમુક મોટા ઉધોગકારોએ કબૂલાત આપી દેતા સંભવત આવતીકાલે સાંજ સુધીમાં નિવેદનો નોંધવાની કાર્યવાહી કરી રેઇડની કાર્યવાહી આટોપી લેવામાં આવનાર હોવાનું અને ઈન્કમટેક્સના અધિકારીઓ સતત ચાર દિવસની મેરેથોન કામગીરી બાદ શનિ-રવીમાં રાહત મેળવી શકે તેમ હોવાના સંકેતો મળી રહ્યા છે.
મોરબીમાં ત્રણ દિવસથી આંગડીયા પેઢીઓ બંધ
સિરામિકની સાથે ઈન્કમટેક્સ વિભાગ દ્વારા મોરબીમાં એક આંગડીયા પેઢીમાં પણ દરોડો પાડવામાં આવ્યો હતો. જેની કાર્યવાહી પણ ત્રણદિવસથી ચાલી રહી હતી. આ દરોડાના પગલે મોરબીની મોટાભાગની આંગડિયા પેઢીઓ છેલ્લા ત્રણ દિવસથી બંધ રહી છે. જેના કારણે અને કંપનીઓના રોકડ વ્યવહારો અટકી પડ્યા છે.
(11:44 AM IST)
છેલ્લા 8 દિવસમાં સૌથી લોકપ્રિય 
