રાજકોટ તા. ૨૩: કેશોદના મોટી ઘંસારી ગામે રહેતાં મોહનભાઇ મેઘજીભાઇ પટોડીયા (ઉ.વ.૯૫) નામના વૃધ્‍ધ ૧૭મીએ સાંજે ઘરે બેઠા બેઠા પડી જતાં મુંઢ ઇજા થતાં કેશોદ સારવાર અપાવી રાજકોટ સિવિલ હોસ્‍પિટલમાં ખસેડાયા હતાં. પરંતુ અહિ ગત સાંજે મૃત્‍યુ થતાં પરિવારમાં શોક છવાઇ ગયો હતો. હોસ્‍પિટલ ચોકીના સ્‍ટાફે બનાવની જાણ કેશોદ પોલીસને કરી હતી. મૃતકને સંતાનમાં બે દિકરા છે. પોતે બે બહેન અને ત્રણ ભાઇમાં મોટા હતાં. બનાવથી પરિવારમાં શોક છવાઇ ગયો હતો.